Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
458. Friderich Hunger, burger Zu Odennburg, Anna sein Eewirtin vnd Ir Baider Erben haben nuts vnd gwër emphanngen aines hauß, das ain halb haus ist an der Lanngen Zeill gelegen, neben der Jacob Fleischagkherin mairhof vnd Cuents Hannsen heusërn, das mit rechtem kauf von Andre weber frey, ledig an sew kumen ist vnd völlig beZallt haben. Beschehen montag nach Simonis et Jude, tempore Martini Sighart Magistriciuium, Pauli morits Judicis, Anno domini 1526 (10.29.). [69 R ] 1526. 459. Der Edel vnnd vesst mathias Teufl, die Zeit haubtman Zumb Forchtenstain vnd sein Erben haben nuts vnd gwër emphanngen aines hauss in der Neugassen Zu odennburg, in der Statt, neben flórian gamelpawern Vnd der Beham Jüdin heusern gelegen, Welches mit rechtem kauf von dem Manusch Juden vnd seinen erben, frey, ledig an sew kumen ist. Beschehen Zu Zeiten der Ersamen, weisen herren merten Sigharten, Burgermaister, paul morits Statrichter, vnd ob der gemellt Jud vnd sein erben Vmb berurt hauß annder Ennden Inn disem Buch oder andern Iren Buchern an nuts vnd gwer stunden geschriben, sölh Schriften sollen hiemit Craftlos, tod vnd ab sein, actum montag ante festum Sancte Lucie Virginis Anno etc. im xxvi ten (1526.12.10.). 460. mathias Voyt, alias wolthus. [Der Edel matheas [wolthus] Voyt, Burger Zu Odennburg hat nuts vnd gwer emphanngen hauss Zu Odennburg, in der Stat, in Sand georgen gassen, nächst her deshalb der mörin, Zwischen mathes ledrer vnd micheln Schuesters heusern gelegen, Welches Von Benedicten Bors, burger Zu Odennburg Vnd seinen Erben mit gleichem vnd freiem tausch Vmb Sein Haus am Blats vor gelegen, das ettwon Pauln kramers gewest, frey, ledig vnd redlich, aufrichtig an In kumen ist. Bescheen am montag vor dem Neuenjars tag Anno etc. im XXVI ten ] (2526.22.32.) 32 . Zu Zeiten der Ersamen, weisen Mert Sighart Burgermaister, Bertlme ofner angesetztem Statrichter etc. [69 V ] 1526. 461. [Benedict wors, Bürger Zu Odennburg, n. Vxor Vnd Ir erben haben nuts Vnd gwer emphanngen 1res hauss am Blats, am Egk, nächst an dye fragner laden gelegen, wellies mit gleichem Vnd freiem tausch Von dem Edlen mathes Voyt, den man sunst wolthus nennt, Vmb sein [Sein] hauß an der Mörin, in sand georgen gassen, neben mathes ledrer [heus] vnd micheln Schuester heusern gelegen, frei, ledigklich an sy kumen ist. Vnd ob gedachter wolthus oder paul kramer, der ettwon in gedachtem hauß gewoneth, an der gweer Vber berurts hauss stüennde, des sol hiemit tod vnd ab sein. Beschehen montag Vor dem Neuenjars tag Anno etc. im XXVI (1526.12.24.), 32 tempore martini Sighart Burgermaister vnd Bartholomei ofner angesetzten Statrichter.] 1527. 462. Margs täbrer von Agenndorf vnnd sein Erben haben nuts vnd gwer emphanngen aines achtl weingart im Durlas, Zwischen Georg Schneider Vnd georgen torwarten, baider Burger Zu Odennburg Weingarten gelegen, das mit Rechtem kauf Von Hannsen Schnabel Von Marts vnd seinen Erben an sew kumen ist, ledig vnd frei. Vnd ob Jemand annder vmb beruert weingarterb Vor an nuts vnd gwer stuennde, das sol hiemit tod vnd ab sein. Beschehen am mittichen nach der Beschneidung christi Anno etc. im 27 (1527.01.02.), tempore Magistratuum martini Sighart et Bartholomei ofner Surrogati Judicis. [70 R ] 32 Jahresbeginn am 25. Dezember
