Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
454. Blasi nagd, Ratsburger Zu Odennburg hat nuts vnd gwer emphanngen aines achtl Weingarten in Kuepergern gelegen, Zwischen n. Farnner vnd Rueprecht schuesterin Weingarten, das frei, ledig mit kauf von Lamprecht gundl Vom wolffs Vnd seinen erben an In kumen ist Vnd völlig beZallt Hat. Beschehen freitag ante dominicam Oculi Anno etc. XXVI° (1526.03.02.). [68 r ] 1526. Blasi nagd Ratsburger Zu Odennburg Hat nuts vnd gwer emphangen dreier achtl Weingarten im golldperg, neben Peter fleischagker, Ratsburger Zu Odennburg Weingarten vnd des wallds gelegen, die mit kauf von frauen [Barbara] Anna, weilennd wolfganngen Buxpaumb gelassen witiben frei, ledig an In kumen vnd völlig beZallt hat. Beschehen mittichen ante Letare anno 1526 (03.07.). Ewig Liecht. Auf obgemellten III achtl Weingarten seind 40 tal. den. mit dinsten gelegen, Zu sand Maria Magdalena kirchen gen Wanndorf gehörig, Zu ainem Ewigen liecht, die sullen auf disen III achtl Weingarten aufgehebt Vnd dem gotzhaws auf der frawen Buxpaumbin Weingarten, Kircher genant, auch III achtl, Zumb wolffs gelegen, neben peter fleischagker vnd niclas Zewner Weingarten, Vmb bemellte summa verphenndet worden. Beschehen freitag nach sand Horians tag Anno etc. im 1526 (05.04.). 455. Her matthias Schöttl, Susanna sein Mueter Vnd Ir erben haben nuts Vnd gwer emphanngen Zwai er Weingarten, ain Virtl im Sauprunn, Zwischen Her wolfgang Rauscher, Beneficiaten Zu Odenburg, Vnd der Zech trinitatis gelegen, der annder ain SechZëntail auf den Sporn stainn, neben Hanns schützner Weingarten gelegen. Mer XII Jeuch ägker in ainer furch bei wanndorf vnd mer annderhalb Jeuch im wolffsdrussl gelegen, die alle herrueren Von frawen Magdalena, weilennd Hannsen Mair gelassen witib, Irer Muemen vnd swägrin. Vnd seind Inen durch ainen ersamen Rat mit sölher vnndterschaid vnnd geding eingeben vnd vberanntwort [Habe] worden, Das sew Ir Muemen vnd swägrin Magdalena, die mit swären siechtagen beladen, Vnd Zerruth ist, mit klaidern, herberg, essen, tringken, petgwannd vnd aller annder notdurft erneren, vnd Ir lebenlanng bei Inen vnndterhallten sullen, treulich vnd ongeuärlich vnd demnach sullen vnd mugen genanter Her Mathes vnd sein Mueter, susanna obbeschribne erbstügk frei, ledig nutzen, niessen, verkaufen, schaffen, machen vnd damit handeln, thun vnd lassen, wie Inen amb pesten fuegen wil on menigklich Irrung etc. Beschehen an mittichen Vor dem suntag Judica Anno etc. im XXVT (1526.03.14.). [681 1526. 456. Hanns maurer, Burger Zu Odennburg, Appolonia vxor vnd Ir baider Erben haben Nuts vnd gwer emphanngen 1res hauss in der PotZagassen gelegen, Zwischen Steffan Karnner Vnd Andre pinthers hewsern, Das mit Rechtem kauf von n. Stössl vnd sein Erben, frei, ledig an sew kumen Vnd beZallt haben hints auf 20 sol. den., so mit Zinns durch genannten Stössl von dem pharrer Zu vnnser frauën aufgeHebt Vnd mit sambt denselben 20 sol. den. onera vnd Zinnsen haben gedachter Maurer vnd sein erben berurts heusl angenomen, wie es in der Briester buch geschriben stet. Beschehen floriani martyris Anno etc. im 1526 (05.04.). 457. Anndre Kolbmhouer, Burger Zu odennburg, martha sein hauswirtin vnd Ir Erben haben nuts vnd gwer Emphanngen aines achtl weingartemn Im Velber prunn gelegen, neben Wolfgang Walasch Vnd sein selbs Weingarten, Weihes achtl Weingarten mit rechten, kauf frei, ledig Von Egenannten Wolfganng Walasch vnd seinen Erben an sy gelanngt vnd kumen ist, den sy dann Völligklich beZallt haben. Beschehen montag Vor Vnnser frawen tag Irer geburd Anno 1526 (09.03.), tempore Martini Sighart Magistri ciuium, Pauli Mauricii Judicis.
