Dominkovits Péter: Adalékok és források a soproni evangélikus városvezető és szellemi elit 17 - 18. századi társadalomtörténeti kutatásához, végrendeletek (Sopron, 2018)
Források
Georg, den jch mit voriger meiner Lieben Ehewüerthin Anna see[lig] erzeigt, zu ainem Vatterguet (zu deme so jm beraith als ain Mutterguet vermiig Jnuentario gefallen) erstlichen ain sechzehentail Weingartten in den Vndtern Jrnfridt neben Paul Raaben Burgers alhie Weingartten anrainendt. Anderten: Ainhundert Taller Vnge- risch Pares Gelt, vnd zum Driten: da er durch Gottes gnedigen Willen, seine Jahr erreichen wierd, solle mein iezige Liebe Ehewürthin Maria Salome schuldig sein, ihne mein Sohndl Georgen zu Erlehrung deß Riemer Handtwercks treulich anzuhalten, vnnd da er zu seinen vogtbaren Jahren gelanngen möchte, ain erliche Hochzeit ohne Entgelt seines obgesezten vatterlichen legats außzuhalten, auch ihne mit ainem Ehrnklaidt zuuersehen, zum Fall aber dieser mein Sohn Georg seine vogtbare Jahr nit erraichen, vnnd vor denselben mit Todt abgehn solte, verschaffe vnnd schenckh ich solches legat meiner Lieben Ehewürthin Mariae Salome, frey vnd ledig, jnmaßen ich dan deßen ganz wolbefuegt in Betrachtung, daß ich von meinen Lieben Eltern nichts ererbt, sonndern daß so ich bekhomen, durch Gottes Segen erworben vnnd zuwegen gebracht habe. Annderten nachdem ich mit ieziger meiner Lieben Ehewüerthin Maria Salome ain Töchterl Nahmens Anna Catharina erzeügt, verschaffe ich demselben gleicher Weiß zu ainem Vatter Guett (weillen auch dasselbe doch klain vnd vnerzogen, vnnd auch biß zu dero Erwachsung, noch vili Müehe vnd Fürsorg bedarf), Erstlichen meinen Weingartten in den Sezenreimb so ain Sechzehentail, vnd an Herrn Gáldi Pfarherrn Weingartten ligent, Anderten ain hundert Taller Vnngerisch Pares Gelt, dan zum driten, solle auch mein Liebe Ehewürthin schuldig sein, da vnßer Töchterl Anna Catharina Gottes Schickhung nach, jre Zeit vnd vogtbare Jahr erraichen wuerde, dasselbe erlichen außzusteurn, auch solchen neben meinem Söhndl Georgen in aller Zucht vnd der Forcht Gottes aufzuerziehen, jnmassen jch dann das guete Verthrauen in sie seze, das sie solchem allen treuistes Fleiß nachkho- men wierd, vnnd so es sich aber Gottes gnediger Schickung nach begeben vnnd zuetragen möchte, daß auch dieses vnßer Töchterl Anna Catharina seine vogtbare Jahr nit erraichen solte, soll dieses jr von mier verschaffte legat, neben dem so ich meinem Söhndl wie ob vermelt verschafft, meiner Lieben Ehewürthin Maria Salome aigenthumb vnnd erblichen anfallen, vnnd dieselbe meinen negsten hinderlaßenen Erben vnd Befreundten, für alles zu deren genzlichen Ab- vnd Hindanferttigung mehr nit als zwainzig Taller Vngerisch Pares Gelt hinauß zugeben vnd zuentrichten schuldig sein, vnnd das jnsonderheit darumben, weillen ich solches mein kleines Güetl vnd Vermögen, durch Gottes reichen Seegen, vnnd meiner Handt Arbeith zuwegen gebracht, vnd ohne Zuethueung ainicher Erbschafft bekomen vnnd erarnet habe, souern aber meine hünderlaßene Befreunde vnd Erben, mit diesem legat der zwainzig Taller Vngerisch nicht zufriden sein, vnnd diese vnnßere donation vmb zustosßen, sich vnnderstehen wolten, sollen sie alßdan dieses legats verlüstigt vnnd zue Gemainer Statt verfallen sein. Zum Driten jm Fall vnnß aber der Allmechtige Gott in vnnßerer wehrenden Ehe verner ins khünfftig mit Leibs Erben segnen möchte, so wier dieser Zeit noch nit 96
