Dominkovits Péter: Második telekkönyv 1554-1580 (Sopron, 2015)
A telekkönyv
136. (IL-116.) Georg Paur, Veronica sein ehelihe hausfraw vnnd Anna sein des Pawrn mueter haben für sich vnnd jre erben nutz vnnd gwer emphangen vmb ain hawß jn d[er] New gassen neben des zehent hawß gelegen, welhes sy von Cristan Hunger Barbara seiner hawsfrawen vmb ain summa gellt für ledig vnnd frey erkhaufft deren khauf summa gemellte verkhauffer volliglih enndtriht auh sy vorgemelte verkhauffer gegen gedahten Georg Pawren vnnd sein mittuerwandten erben rehte trewe gwer schermb vnnd furstanndt sein für alle rehtlihe khrieg vnnd schermb ansprah gegen cristen vnnd juden nah statprauh. Actum auf dem rathauß den .2. decemb[ris] Anno [etc] jm [15]58t[en]. 137. (II.-117.) Ambroß Henngsst der vnngeuogt, weilendt Niclaßen Henngst seligen nachgelassener sun hat nutz vnnd gwehr emphangen vmb ain Weingarten jm Potzmansperg zwischen Cristan Hungers seligen erben vnnd N. Prantnerin beed[er] Weingarten gelegen so er von Georg Dorner jn namen vnnd an stat frawen Elisabeth herrn Bernhardin pharh[er] zwe Russt vmb ain summa gellt erkhaufft derer khauf summa sy die fraw Elisabeth volliglih enndtrich vnnd sy gedahte fraw verkhaufferin gegen gedahtem jungen Ambroßen Henngst nunmalß rehte trew gwer schermb vnnd furstanndt ist für alle rehtlihe khrieg vnd ansprach gegen cristen vnnd juden nah statbrauh. Actum auf dem rathauß den .19. decemb[ris] A[nn]o [etc.] [15]59. [!] 138. (II.-117.) Benedict Lisst, Radigundt sein ehelihe hausfraw haben für sich vnnd jre erben nutz vnnd gwer emphangen vmb ain hauß am Rukhherzwe zwischen Mihael Hamer vnnd Cristofen Damisch beeder hewser gelegen so sy von Mert Sigharten vmb ain summa gellt für ledig vnd frey erkhaufft deren khauf summa gedahter verkhauffer volligelih enndtriht auh nunmalß gedahter verkhauff[er] gegen obgemelten channß personen rehter furstandt schermb vnd gwer für alle rehtlihe ansprah vnd khrig gegen cristen vnnd juden nah statbrauh. Actum auf dem rathauß den lessten decembfris] A[nn]o [etc] [15]58t[en]. 139. (II.-118.) Georg Lanng, Barbara sein eheliche hausfraw haben nutz vnd gwer für sich vnnd erben emphangen vmb ain hawß jn der Newgassen zwischen Simon Fischer vnnd dem zehendt hawß gelegen so sy dausch weiß vonn Hannß Wolffart fleischhagger an sich praht vnnd d[er]halben vber ains khumen vnnd vernuegt worden, vnnd ist numalß ernenter Wolfart gegen anfanngs gemelten Georg Lang vnd seine erben rehter trewer gwer furstanndt vnnd schermb für alle rehtlihe khrieg vnnd ansprah gegen cristen vnnd juden nah statprauh. Actum auf dem rathauß den neundten January Anno [etc] im Neunvndfunfftzigesten. 63
