Dominkovits Péter: Második telekkönyv 1554-1580 (Sopron, 2015)
A telekkönyv
140. (II .-118.) Hanns Wolfart, Veronica sein ehelihe hawsfraw haben für sich vnd jre erben nutz vnnd gwer emphangen vmb ain hawß gelegen auf der Sanndtgrueben, zwischen Hannß Schirnprandtin vnnd Veit Riemer hewser so sy dausch weiß von Georg Lanngen, Barbara seiner hawsfrawern fwr frey an sich praht vnnd d[er]halben vber ains khumen vnd vernuegt worden vnnd ist numalß ernenter Georg Lanng gegen anfanngs gemelten Hannß Wolfart vnd seine erben rehter trewer schermb furstandt vnnd gwehr für alle rehtlihe khrieg vnnd ansprah gegen cristen vnnd juden nah statprauh. Actum auf dem rathauß den neundten January Anno [etc] im Neun vnnd funfftzigissten [etc], 141. (II .-119.) Veit Mokh, Dorothea sein ehelihe hausfraw haben für sich vnnd jre erben nutz vnnd gwer vmb ain hawß jn d[er] Schrippergassen zwischen Rwepreht Fällessin vnnd Niclaß Mairhofferin beder hewser gelegen so sy von Adam Grittner pintér fur frey ledig vmb ain summa gelldt erkhaufft vnd solhes khaufs gedahter Adam Grittner benuegt vnnd betzallt worden vnnd ist nunmalß er Adam Grittner gegen anfangs gemelten cannß personen vnnd d[er]selben beeden erben rehter trewer schermb furstandt vnnd gwer für alle rehtlihe khrieg vnd ansprah gegen cristen vnnd juden, nah statprauh. Actum auf dem rathauß den .9. January Anno [etc] [15] 59. 142. (II.-119.) Hannß Pawr, Veronica sein ehelihe hawsfraw haben für sich vnnd jre erben nutz vnnd gwer emphangen vmb ain hawß jn der Neostifft zwischen Leutgeb Peterin vnnd Januß Hung[er] beeder hewser gelegen so sy von der Blasy Deymblin Appollonia er khaüfft derer kauf summa sy betzallt, vnnd ist nunmalß gemelte verkhaufferein gegen anfangs gemelten canßpersonen vnnd derselben erben rehter trewer schermb furstanndt vnnd gwer für all rehtlihe khrieg vnnd ansprah gegen cristen vnnd juden nah statprauh. Actum auf dem rathauß den dreytzehenden January Anno [etc] jm Neunvnnd funfftzigisten. 143. (II.-120.) Matheus Zierl hat nuz vnnd gwer für sich vnnd seine erben emphanngen vmb ainen Weingarten jn Angerer zwischen Casparn Motz vnnd Hannß Kirhlanngfer] buerg[er] jn der Neostat beeder Weingarten gelegen, weihen er von Stefan Panntzer vmb ain summa gellts für frey vnnd ledig erkhaufft derer khauff summa er Stefan Pantzer volliglih benuegt vnd ist nunmalß er Stefan Pantzer als verkhauffer gegen jme Matheuß Zierl nunmalß reht trew gwer schermb vnnd furstandt für alle rehtlih khrieg vnd ansprah gegen Cristen vnnd Juden nah stat prauh. Sub d[omi]nis magistratibus Emerico Rainer m[a]g[ist]ro ciuium, et Vrbano Pfleger judice. 64
