Dominkovits Péter: Második telekkönyv 1554-1580 (Sopron, 2015)
A telekkönyv
133. (II.-115.) Jacob Schreiner kramer, Margaretha sein ehelihe hau straw hab[en] fur sich vnnd jre erben nutz vnnd gwer emphangen vmb ain hauß jn der Fleisch hagger gassen zwischen weilendt Benedicten Sornner seligen nahgelassenen wittib vnnd Philippen Gsperre beder hewser gelegen so sy von Emerich goltschmidt von Papa jn namen vnnd anstat seiner hausfrawen Margaretha weilendt Stefan Riemers seligen nachgelassnen dohter vmb ain summa gellt für frey ledig erkhaufft vnnd solhes khaufs er Emerich goltschmidt jn namen seiner hausfrawen gegen jme Jacob Schremer rechter trewer gwer vnnd furstandt für alle rehtlihe khrieg vnnd ansprach gegen cristen vnnd juden nah statprauh. Actum auf dem rathauß den .29. July A[nn]o [etc.] [15]58. 134. (II.-115.) Georg Schmidt ro[emisch] kay[serischer] mfaiestäts] dreissig[er] alhie zw Odenburg, Barbara sein ehelihe hawsfraw haben für sich vnnd jre erben nutz vnnd gwer emphangen vmb ain hawß jn d[er] Newgassen zwischen herrn Blasien Salzer vnnd Stefan Schueler beeder hewser gelegen so sy von Georgen Pawrn vnnd Thoman Pewrin seiner mueter vmb ain summa gellt für frey ledig erkhaufft vnnd solhes khaufs gedahter Georg Pawr sambt seiner mueter gegen gedahten herrn Georg[en] Schmidt seiner hausfrawen vnnd erben rechter trewen gwer scherm vnnd furstanndt für alle rehtlihe khrieg vnd ansprah gegen cristen vnd juden nach statprauh gemelte verkhaufer haben auh antzaigt solhe hauß für frey ledigt vnnd also auf dem rathauß vbergeben ongeferde. Actum auf dem rathauß .12. Augussti Anno [etc] jm [15]58t[en], 135. (II.-116.) Helias Grempl, Cristina sein eelihe hausfraw haben für sich vnnd jre erben nutz vnnd gwer emphangen vmb ain hawß gelegen bey der Schlach prukhen zwischen Demeter Schymandi khurschner hawß vnnd Poly Michael mairhof gelegen, so sy von Egidien Marxen Stefan Marxen vnnd Catharina, Sebastian Mair Schneider eliher hausfrawen vmb ain summa gellt für ledig vnnd frey erkhaufft deren khauffsumma gemelte verkhauffer vollglih endtriht auch sy vorgemelte verkhauffer gegen gedahten Heliaß Grempl sein hawsfrawen vnnd erben rechter trewer gwer schermb vnnd schermb furstandt sein29 für alle rechtlihe khrieg vnnd ansprach gegen cristen vnnd juden nach statprauh. Actum auf dem rathauß den .24. Octobris A[nn]o [etc.] im [15]58t[enj. Sub d[omi]nis magistratibus Emerico Rainer m[a]g[ist]ro ciuium, et Vrbano Pfleger judice, [etc]. Juny A[nn]o [etc] [15]58t[en], Sub d[omi]nis magistratibus Emerico Rainer m[a]g[ist]ro ciuium et Vrbano Pfleger judice [etc]. 29 Sor fölé írt betoldás. / Eine Einfügung am Blattrand. 62
