Dominkovits Péter: Második telekkönyv 1554-1580 (Sopron, 2015)

A telekkönyv

39. (IL-70.) Item Lamprecht Ziegler, Anna sein eeliche hausfraw, haben fur sich vnnd jr beeder erben nutz vnnd gwör aines sechs zehentail weingartten im Felberprun neben Marx Zumper vnnd Sannd Michels khirchen weingartten, item aines sechze[he]ntail neben des herr Anndre beneficiat[en] weingartten vnnd des Thoman Gregor Schuesster sun weingartten daselbs gelegen, emphanngen, weliche zway sechzehentail weingart[en] an sy mit khauff vmb ain benannte summa gelts von Bastian Schön als bemelts Thoman Gregorn sun gesezter vormundt khomen, deren khaufsumma jetz benanter Bastian Schön an stat bemelts seines phlegsuns benüegt vnnd betzalt worden, vnnd ist merbenanter Bastian Schön anfanngs benannter eewirtleüt recht trew gwör schermb vnnd forstanndt gegen chrissten vnnd juden nach statbrauch. Act[um] auf dem rathauß den aindlefften tag february. Anno [etc] im [15]55.t[en]

40. (IL-70.) Michel Schott, Margaretha sein eeliche hausfraw haben für sich vnnd jr beeder erben nutz vnnd gwör aines hauß in der Fischer gassen zwischen Cristoffen Waitz[er] faß zieher vnnd Valtein Wager heüsern daselbs gelegen emphangfen]11 weliches an sy von Anndre Mathiaß mit khauf vmb ain benannte summa gelts khomen, deren khaufsumma jetzbenannter Anndre Mathiaß benüegt vnnd betzalt worden, vnnd ist merbenannter Anndre Mathiaß anfanngsbenannter eewirtleüt recht trew gwör schermb vnnd vorstannd gegen chrissten vnnd juden nach statbrauch. Actum auf dem rathauß den aindlefften tag february. Anno [etc] funfvnndfunfzigisst[e]n.

41. (II.-71.) Mert Henngst, Elena sein eeliche hausfraw haben für sich vnnd jr bayder erben nutz vnnd gwör annderhalb sechzehentail weingartten im Dudlaß zwischen Philip Steuber vnnd Anndreaschn Vnnger weingartten daselbst gelegen emphanngen, weliche annd[er]halb sechzehentail weingartten an sy mit khauff vmb ain benante summa gelts von Simon Lanng khomen, deren khaufsumma jetzbenanter Simon Lanng benüegt vnnd betzalt worden, vnnd ist merbenannter Simon Lanng annfangs benannter eewirtleüt recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den vierdten tag Marty. Anno [etc] im [15]55.t[en]. Sub dominis magistratibus Cristophoro Humbl magistro ciuium, Cristophoro Kleblsperger judice, [etc],

42. (II.-71.) Herr Caspar Fraxinus Segedinus der freyenkhünsst vnnd der erzney doctor, hat für sich vnnd seine erben nutz vnnd gwör aines hauß zwischen Michel Paurn vnnd des haubtmans behausung gelegen

11 Sor fölé írt, betoldott szó. / Über der Zeile vermektes, eingefügtes Wort.

36