Dominkovits Péter: Második telekkönyv 1554-1580 (Sopron, 2015)
A telekkönyv
emphanngen, weliches an jne von dem edlen vnnd vessten Anthonien Scharkhan mit khauff vmb ain benannte summa gelts khomen, deren khaufsumma jetzbenanter Scharkhan benuegt vnnd betzalt worden vnnd ist merbenanter Anthonj Scharkhan anfanngs benants doctor Casparn recht trew gwör schermb vnnd vorstanndt gegen chrissten vnnd juden nach statbrauch. Act [um] auf dem rathauß den dreyzehenden tag Marty. Anno [etc] im [15]55.t[en], Sub dominis magistratibus Cristophoro Humbl m[a]g[ist]ro ciuium Cristophoro Kleblsperger judice, [etc], 43. (II.-72.) Niclaß Nemesch, Catherina, haben nutz vnnd gwör für sich vnnd jr beeder erben ainer halben müll sambt ainer wisen vnnd ain halb jeuch akher an der herrn Teücht den Thamb ruerenndt neben Andre Wulffing gründten daselbs gelegen emphanngen, weliche erbstuckh an sy vom Hannsen Leberpekh mit khauff vmb ain benante summa gelts khomen, deren khaufsumma jetzgenannter Hanns Leber Pekh durch die kheüffer betzalt vnnd benuegt worden, vnnd ist solches khauffs merernennter Hanns Leber vnnd Pekh anfanngs bemelter chonleütt recht trew gwör schermb gegen chrissten vnnd juden, nach statbrauch. Actum auf dem rathauß den 22. tag Marty. Anno [etc] im [15]55t[en]. 44. (II.-72.) Gregor Gaspitz statschreiber, hat für sich vnnd seine erben nutz vnnd gwör aines gärttlein in der Fischergassen zwischen Mertten Henngst vnnd Hanns Faschanng heüsern gelegen, emphanngen, weliches jme von ainem ersamen rate alhie der stat Odenburg in bedenkhung seiner getreuen erzaigten diennsperkheit verert auch erblich vnnd aigentthumblich geschennkht worden, vnnd ist dises geschennkhten gartleins vorbenannter ain ersamer rate sein Gregorn Gaspitz vnnd seiner erben recht trew gwör schermb vnnd vorsstanndt gegen chrissten vnnd juden nach statbrauch. Actum auf dem rathauß den zwen vnnd zwainzigissten tag Marty. Anno [etc] im fünf vnnd funfzigisst[e]n. Sub d[omi]nis magistratibus Cristophoro Humbl m[a]g[ist]ro ciuium et Cristophoro Kleblsperger judice, [etc]. 45. (II.-73.) Gregor Gaspitz statschreiber, Brigitha sein eeliche hausfraw haben nutz vnnd gwör aines sech zehentail weingartten im Neuperg zwischen Cristoff Garttner vnnd Lucaß Nemesch des vngeuogten weingartten daselbs geleg[en] emphanngen, weliches an sy von ainem ersamen rate als obrissten Micheln Preyssen des vngeuogten tutorn vmb ain benannte summa gelts khomen, deren khaufsumma ermelter ain ersamer rate an stat ernents Micheln Preissen benuegt vnnd bezalt worden vnnd ist solches khauffs merbenanter ain ersamer rate an stat vilbemelts Micheln Preyssen, anfanngs benanter chonleüt recht trew gwör schermb vnnd vorstanndt gegen chrissten vnnd juden nach 37
