Dominkovits Péter: Második telekkönyv 1554-1580 (Sopron, 2015)
A telekkönyv
2 6. (II. -63.) Michel Panntzer, Dorothea sein eeliche hausfraw haben fur sich vnnd ir beeder erben nutz vnnd gwör aines hauß8 in der Schlippergassen zwischen Jörg Thurnhoffer vnnd Caspar Lanng heüsern daselbs gelegen emphanngen, weliches an sy von Colman Seidl vnnd Radigundt seiner hausfrawen mit khauff vmb ain benante summa gelts khomen, deren khaufsumma jetzgemelte chonleüt Colman Seidl vnnd sein hausfraw betzalt vnnd benüegt worden vnnd ist solches khauffs mergenante Colman Seidl Radigunt sein hausf[rau] anfangs bemelter eewirtleüt vnnd jrer beeder erben recht trew gwör schermb vnnd vorstanndt gegen chrissten vnnd juden, nach statbrauch. Actum auf dem rathauß den vierzehend[en] tag decembris. Anno [etc] in viervnndfunfzigisst[e]n. 27. (11-64.) Steffan Schiernpranndt, Cristina sein eeliche hausfraw haben für sich vnnd jr beeder erben nuz vnnd gwör aines halben hauß in der Schlippergassen zwischen Thoman Paurn vnnd Vnns[er] Frauen Zech heüsern gelegen, emphanngen, weliches an sy von Paul Khatt, Jörgen Peuttner vnnd Hannsen Paltner mit khauf vmb ain benante summa gelts khomen, deren khaufsumma jetzgemelte verkheüffer betzalt vnnd benüegt worden vnnd sinndt solches khauffs mergenante Pauli Khath, Jorg Peuttner vnnd Hannß Paltner anfanngs bemelter eewirtleüt vnnd jrer beeder erben recht trew gwör schermb vnnd vorstanndt gegen chrissten vnnd juden, nach statbrauch. Actum den 14. tag decembris. Anno [etc] im viervnndfunfzigist[e]n. 28. (11-64.) Vrban Zwikhl, Ottilia sein eeliche hausfraw haben für sich vnnd jr beeder erben nutz vnnd gwör aines achtl weingartten im Felberbrun zwischen Cristan Praunwaldt vnnd Petter Lisst [?] weingartten daselbst gelegen emphangen, weliches an sy vom Hannsen Muern als weilendt Cristoffen Muern seines brued[er]n gelasnen tochter furgesetzten gerhaben mit khauff vmb ain benannte summa gelts khommen, deren khaufsumma vorgedacht[er] Hannß Muer an stat seiner muemen vnnd phlegtochter bezalt vnnd benüegt worden vnnd ist solches khauffs merbenanter Hannß Muer an stat offtbemelter seiner phlegtochter anfanngs genanter eewirtleüt vnnd jrer beeder erben recht trew gwör schermb vnnd vorstannd gegen chrissten vnnd juden nach statbrauch. Actum den 14. tag decembris. Anno [etc] im 1554t[en] Sub dominis magistratibus Cristophoro Humel magistro ciuium et Christophoro Kleblsperger judice [etc]. 29. (11-65.) Jacob Schröttl, Magdalena sein eeliche hausfraw, haben für sich vnnd jr beed[er] erben nutz vnnd gwör aines hauß in der Javított szó. / Korrigiertes Wort. 32
