Dominkovits Péter: Második telekkönyv 1554-1580 (Sopron, 2015)
A telekkönyv
Potschagassen zwischen Sigmundt Fischer vnnd Anndre Prannger heüsern daselbs gelegen emphanngen weliches an sy vom Mathes Eyseler mit khauff vmb ain benannte summa gelts khomen, deren khaufsumma jetzgemelter Eyseler bezalt vnnd benüegt worden, vnnd ist, solches khauffs mergenanter Eyseler anfanngs bemelter eewirtleüt vnnd jrer beeder erben recht trew gwör schermb vnnd vorstanndt, gegen chrissten vnnd juden nach statbrauch. Actum den siben zehenden tag decembris. Anno [etc] im viervnndfunfzigist[e]n. 30. (II.-65.) Hernachbenante personen vnnd burgersleüt, Andre Eyseler Veronica vxor, haben ach zehen madt, vnnd ain khlains wißflekh an Sannd Georgen pharers wisen daselbst anligend, Simon Zodl Barbara vxor zehen madt Andre Weyda Angieß vxor zwainzig mad, Hannß Rumpler Catherina vxor fünf zehen madt, Ambrosz Moschogy fünf zehen mad Oswald Rueß, Juliana vxor zehen mad Florian Wetzer Dorothea vxor zwelf madt, nacheinannder bey Hausprun gelegen, haben sament vnnd sonnderlich für sich vnnd jedes chonvolkh in sonnd[er]heit für jre erben, nutz vnnd gwör der obbenanten wisen emphangen, weliche wisen vnnd erzelte vnnderschidliche mädten an sy von ainem ersamen wolweisen rate der stat Odenburg mit khauf vmb ain benante summa gelts khomen, deren khaufsumma jetz ernenter ain ersamer rate benuegt vnnd betzalt worden, vnnd ist mergenannter ain ersamer rate die gmain vnnd jre nach khomen, aller obbenanter kheüff[er] recht trew gwör schermb vnnd vorstannd gegen chrissten vnnd juden nach statbrauch Actum auf dem rathauß den neun zehenden tag decembris Anno [etc] im viervnndvierzigisst[e]n. Sub d[omi]nis magistratibus Christophoro Humel, magistro ciuium et Cristophoro Kleblsperger judice, [etc]. 31. (II.-66.) Valtl Tasch, Cristina sein eeliche hausfraw haben für sich vnnd jr beeder erben nutz vnnd gwör ainer wisen neben der jetzgemelt [er] burgerßleüt in negster gwör begriffen, vnnd an pach dasselbst stössendt gelegen emphangen, weliche wisen an sy von ainem ersamen wolweisen rate mit khauff vmb ain benante summa gelts khomen, deren khaufsumma ain ersamer rate in ir earner benuegt vnnd betzalt worden vnnd ist merbenanter rate die gmain vnnd jr nachkhomen bemelter eewirtleüt recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den neunzehenden tag decembris. Anno [etc] im viervnndfunfzigist[e]n. 32. (II.-66.) Her Sigmund Fischer, Cristina vxor, Hannß Graf Barbara vxor, Hannß Schiernpranndt, hat jedes chonvolkhin sonnd[er]heit für sich vnnd jr beeder erben, aines odenwißflekhens, zw gleichem tail nebeneinannd[er] bey Hausprun gelegen, nutz vnnd gwör emphanngen, 33
