Dominkovits Péter: Második telekkönyv 1554-1580 (Sopron, 2015)

A telekkönyv

in der Fleischakher gassen zwischen Matheß Rauscher1 vnnd Hannsen Zimerman heüsern daselbst gelegen, emphanngen, weliches an sy von Margaretha weilendt Jobst Schneiders verlasnen witfrauen vmb ain benante summa gelts khaufweyß khomen, deren summa jetzgenante Margaretha zw jrem wolbenuegen durch anfanngs gemelte eewirtleüt entricht vnnd betzalt worden, vnnd ist solches khauffs vilernente Margaretha Jobst Schneiderin vilgenanter Mateß Behaimb Elisabet seiner hausf[rau] vnnd jrer beeder erben recht trew gwör schermb vnnd vorstanndt gegen chrissten vnnd juden nach statbrauch. Actum den dreissigist[e]n tag Marty. Anno etc im [15]54t[en]. Sub dominis magistratibus Cristophoro Humel magistro ciuium et Cristophoro Kleblsperger judice etc.

11. (II.-56.) Michael Nemesch, Prisca sein eeliche hausfraw, haben für sich vnnd jr beeder erben nutz vnnd gwör aines hauß zwischen herr Steffan beneficiaten vnnd Anthall Jmbre heusern gelegen emphanngen, weliches an sy von ernennts Michaeln gebruedern Janusch Bernhart, Benedict[en] vnnd Niclasen den Nemeschen, nemblich die vier tail mit ablosung vnnd khauff, vnnd der funft tail von offtgemelts Michaeln vnnd seiner gebrueder mueter erblich khomen, des er jme beuor heit, deren khaufsumma vilgenante gebrueder von offtgenantem Michaeln vnnd Prisca seiner hausfraw benuegt vnnd bezalt worden, vnnd sinndt solches khauffs vilermelte vier gebrueder anfanngs genannter eewirtleüt vnnd jrer beeder erben recht trew gwör scherm vnnd vorstanndt gegen chrissten vnnd juden nach statbrauch. Actum den sechsten tag Aprilis. Anno etc. im vierundtfunfzigissten.

12. (II.-56.) Andre Saur, Agnes sein eeliche hausfraw, haben für sich vnnd jr beeder nutz vnnd gwör aines achtl Weingarten im Frettner zwischen Rueprecht Schneider vnnd Rueprecht Failes weingartten daselbs gelegen, emphanngen, weliches an sy vom Andre Rigler als verordenten gerhaben weilenndt Niclasen Huetters verlasnen erben mit khauff khomen deren khaufsumma jetzernennter Rigler von obbenanten Andren Saur Agnes seiner hausfrauen benuegt vnnd betzalt worden, vnnd sinnd solches khauffs vilermelter Andre Rigler vnnd genants Niclasen erben, anfanngs bemelter eewiertleüt vnnd jrer beeder erben recht trew gwör scherm vnnd vorstanndt gegen chrissten vnnd juden nach statbrauch. Actum den sechssten tag Aprilis. Anno etc im viervnndfunfzigist[e]n. Sub d[omi]nis magistratibus Cristophoro Humel m[a]g[ist]ro ciuium et Cristophoro Kleblsperger judice etc.

1 Javított név. / Der Name wurde korrigiert.

27