Dominkovits Péter: Második telekkönyv 1554-1580 (Sopron, 2015)
A telekkönyv
13. (II.-57.) Georg Lanng, Barbara sein eeliche hausfraw, haben fur sich vnnd jr beder erben nutz vnnd gwör aines hauß auf der Sanndt Grueb zwischen Hannsen Pierschen vnnd Hannsen Schiernpranndt heusern daselbs gelegen emphanngen, weliches an sy von Mert Henngsten als weilenndt Niclasen Henngsten gelasnen erben verordenten gerhaben mit khaufsumma jetzgenanter Mert Henngst an stat der erben betzalt vnnd entricht worden vnnd ist solches [!] solches khauff merernenter Mert Henngst an stat vilgedachter Niclasen Henngsten erben, der annfanngs benanten eewirtleüt, recht trew gwör schermb vnnd furstannd für all rechtlich khrieg vnnd ansprachen gegen chrissten vnnd juden nach statbrauch. Actum den neundten tag Aprilis. Anno etc in viervnndfunfzigist [e] n. 14. (II.-57.) Michel Polany, Margaretha sein eeliche hausf[rau] haben für sich vnnd jr beeder erben nutz vnnd gwör aines hauß in Sanndt Georgen gassen zwischen Leonhardten Töldtl vnnd Georgen Premb heüsern daselbs gelegen emphanngen, weliches halbs an sy von Dorothea des Michel Polanj muetter erblich vnnd mit khauff, vnnd das halb von weilenndt Diakhen hausfjrau] Agatha sein Micheln Polanin Schwestern mit ablosung. Auch vmb ain benante summa gelts khomen, deren khaufsumma gedachte Dorothea auch weilennd Diakh an stat seiner hausfrauen von ermelten chonleüten bezalt vnnd vergnuegt worden, vnnd sinndt solches khauff offtermelte Dorothea vnnd weilendt Diakh an stat merbestimber Agatha, anfanngs bemeltfer] eewirtleüt vnnd jrer beeder erben recht trew gwör schermb vnnd furstanndt, gegen chrissten vnnd juden, nach statbrauch. Actum den neundten tag április. Anno etc im 1554t[en]. 15. (II.-58.) Michel Graff, Catherina sein eeliche hausf[rau], haben für sich vnnd jr beeder erb[en]2 nutz vnnd gwör ainer Paumgartmull sambt jrer zuegehörung vnnderhalb Wanndorff gelegen, emphanngen, weliche mull an sy von weilenndt herrn Hannsen Reissen verlasnen witfrauen vnnd erben mit khauff khomen, deren khaufsumma jetzermelte witfraw vnnd erben von obbenanten chonleütten entricht vnnd betzalt worden, vnnd ist solches khauffs vilgenannte herrn Reissens witfraw vnnd erben, anfanngs benanter eewirtleüt recht trew gwör schermb vnnd furstanndt gegen chrissten vnd juden, nach statbrauch. Actum den aindlefft tag Aprilis. Anno etc ein viervnndfunfzigist[e]n. Sub d[omi]nis magistratibus Cristophoro Humel m[a]g[ist]ro ciuium, Cristophoro Kleblsp[er]ger judice etc. 2 Sor fölé írt, betoldott szó. / Über der Zeile steht ein eingefügtes Wort. 28
