Dominkovits Péter: Második telekkönyv 1554-1580 (Sopron, 2015)
A telekkönyv
weliches achtl an sy vom Jorg Scherrer vnnd Margaretha seiner hausfrauen, durch wechsl aines sechzehentail weingartten im Cronperg gelegen vnnd vmb ain benante aufgab ainer summa gelts khomen, deren aufgab vnnd wechsls jetz genante Jorg Scherrer vnnd sein hausfraw zw jrem wolbenuegen durch anfanngs gemelte eewirtleüt entricht vnnd habhafft worden, vnnd ist solches wechsls vnnd aufgab merernennte Jorg Scherer vnnd Margaretha sein hausf[rau] vilgenanter Dauiden Wildendorffer Catherina seiner hausf[rau] vnnd jrer beeder erben recht trew gwör schermb vnnd vorstanndt gegen chrissten vnnd juden nach statbrauch. Actum den vierzehenden tag Marty. Anno etc im vier vnnd funfzigist[e]n. 8. (II.-54.) Jorg Scherrer, Margaretha sein eeliche hausfraw haben für sich vnnd jr beeder erben nutz vnnd gwör aines sechzehentail weingartt[en] im Cronperg zwischen Andreen Eyseler vnnd Dauiden Wildendorfers weingartten daselbs gelegen emphanngen, weliches sechzehentail an sy von jetzernenten Dauiden Wildendorffer vnnd Catherina seiner hausfrauen durch wechsl khomen (nemblichen ainem achtl weingartten im Stainer geleg[en]), auch sy des sech zehentaill weingartten durch mergemelte Wildendorffer vnnd sein hausf[rau] habhafft worden, vnnd ist solches wechsls merernenter Wildendorff[er] vnnd sein hausf[rau] vilgenanter Jorgen Scherrers Margaretha seiner hausfrauen vnnd jrer beeder erben, recht trew gwör schermb vnnd vorstanndt gegen chrissten vnnd juden nach statbrauch. Actum den sechzehenden tag Marty. Anno etc im viervnndfunfzigisst[e]n. 9. (II.-55.) Rueprecht Failes, Barbara sein eeliche hausfraw, haben für sich vnnd ir beeder erben nutz vnnd gwör aines achtl Weingarten im Khalten Jrrnfridt zwischen Jacob Wotsch vnnd herrn Benedict[e]n Jankho erben weingartten gelegen, emphanngen, weliches an sy von N. burgermaister richter vnnd rate, vmb ain benante summa gelts khauffweiß khomen, vnnd er Failes solche khaufsumma in jr earner bezalt hat, vnnd seindt ernente herrn burgermaister richter vnnd rate an stat gemainer stat gemelts Rueprechten Failes seiner hausfrawen vnnd jrer beeder erben recht trew gwör schermb vnnd vorstannd gegen chrissten vnnd juden nach statbrauch. Actum den sechzehenden tag Marty. Anno etc im [15]54.t[en], Sub dominis magistratibus Cristophoro Humel magistro ciuium et Cristophoro Kleblsperger judice etc. 10. (II. -55.) Mathes Behaimb goldtschmidt, Elisabet sein eeliche hausfraw haben für sich vnnd jr beeder erben nutz vnnd gwör aines hauß 26
