Dominkovits Péter: Egy gazdag városvezető, Lackner Kristóf polgármester javai (Végrendeletek, hagyatéki- és vagyonleltárak, osztályok 1591-1632) (Sopron, 2007)
A források/Die Quellen
Sopron, 1591. július 15. Lackner Kristóf apjának, Lackner Ádámnak és feleségének, Consul Annának a végrendelete. / Das Testament von Adam Lackner, Vater von Christoph hackner, und seiner Frau Anna Consul. Egykorú másolat, ti.sztázat. / Zeitgenössische Abschrift, Reinschrift. SLSVLt, Lad. I. Fase. I. No. 32. Wie hernachbenante gan is " vnd eheleüth Adam Lackhner burger allhie in der khüniglichen freystatt Odenburg inn Hungern, vnd ich Anna weyllant des ehrwierdigen wolgelerten herren Steffan Consulis, prediger des heylligen wortt Gottes, vnd Walpurg seiner ehelichen hausfrawen, beeder seeliger eheleibliche tochter bekennen samment, vnd vnuerschaidenlich vor menigelich, öffentlich mit disem brieff, wo der fürgebracht vnd gelesen wiert, das wier auß betrachtung allerley gefahrligkaiten denen der mensch hie zeitlich vnder worffen ist, sonderlich des gewissen todes, vnd desselben vngewissen stundt, mit guetter vernufft, auß aygner bewegnus, vnd zu der zeit, do wier solliches ohne vnser beeder erben, vnd befreundten, auch sons ten menigelichs irrung, wolthuen haben mögen, vnß gegen, vnd miteinander, veraint, vnd verglichen haben, wie es khunfftigelich nach eines, oder des anndern todt fall, (wellicher allein zu Gottes handen steht) mit vnser beeder zeitlichen verlassung ligundt, oder vahrunder haab, stuckh grundt, vnd guedtern, so wier vngefahrlich zueinander gebracht, vnd miteinander erobert, vnd mit guettem tittulierten vberkomen haben, vnd khunfftig noch gewinnen möchten gar nindert, noch nichts außgenumen, gegen der vber lebenden person, gehalten werden solle. Derowegen wier dan ein donation wolbedachtigelich fürgenomen vnd eines dem andern in gegen wierdt, vnd bey sein der edlen ehrnuesten auch ersammen vnd weysen herrn Hansen Stainer, Thoman Franckhen, herrn Gregor Poschen, Thomatsch Naigschy alle vier des innern raths, vnd Adam Nastinger auch burger allhie, volgendes frey willig vngezwunngnes geshenckh, vnd vbergab gethan. Thuen das auch hiemit öffentlich wissentlich zu chrafft diß briefs, im bester gestalt vnd formb, wie das inhalt geschribner rechten landt, vnd aller gerichts brauch, an chrefftigisten sein mag, dermassen vnd dergestalt, demnach will ich Adam Lackhner vermelt haben, die weil mir obgedachte mein liebe hausfraw Anna in, vnd alle zeit, alle chonliche lieb, vnd threy, auch schuldige vnd gebierende ehr, erzaigt, vnd bewisen, do sichs begab, das ich vor ir meiner lieben hausfrawen auß disem jammerthal erfordert wurde das ir, die von irer [?] beschehne morgengab, vermüg, des lauter heyrats briefs, sambt allen irem zuebringen alßpalt zuegestelt werden soke. Auß conlicher lieb vnd trew Recte: con
