Evangélikus főiskola, Pozsony, 1866
6 et utrumque Hont reverendus et clarissimus vir Petrus Sextus, pro tunc pastor ecclesiae Duboviensis. Electus quidem absens in synodo Martinopolitana, sed inauguratus postea Bicsae in praesentia rev. seniorum et ablegatorum ex comitatibus praetactis anno 1623. die 26. Pebr. quae inciderat in dominicam quinquagesimae. Deus faciat ipsum vas suae gratiae et misericordiae. Arnen. Post obitum sanctae recordationis viri Nicolai Fidicinis, superattendentis ecclesiarum evang. per comitatus Nitriensem, Posoni- ensem et Barsiensem, ordinatus est per me in locum ipsius publico ac solenni ritu Prividiae rev. et dar. d. Andreas Dióssy, pastor ecclesiae Galgocziensis anno 1626. die 3. Maji. Cui dominus septiformem, ut impertiat spiritum, ex animo precor. A morte rev. et clar. viri Andreae Dióssy, praepositi Bajmoczen- sis et superattendentis — ordinatus est per me publico ac solenni ritu adhibito in successorem ipsius reverendus virBasiliusFabri, pastor ecclesiae Prividiensis Prividiae anno 1628. die 28. Maji. Quem deus, ut impleat sui sancti spiritus necessariis ad tam grave munus charismatibus, ex animo precor. Fiat! Ab obitu reverendi et clarissimi domini, Petri Sexti, superintendentis — postquam biennium fere sine praesule evolutum fuisset, electus est ac per me inauguratus in superintendentem ecclesiarum praememoratarum r.d. m.GregoriusLany, pastor ecclesiae Y eteroso- liensis, accedentibus ad id communibus totius synodi Veterosolii celebratae votis ac suffragiis anno 1635. die 24. Junii. Deus ipsi adsit sua gratia et misericordia! Postquam ab obitu r. et clar. viri d. Nicolai Martini, superintendentis ecclesiarum ev. per comitatus Nitriensem, Posoniensem et Barsiensem evolutus fuisset annus cum trimestri fere, synodus coacta fuit Banovicii, concedente nobis locum illustrissimo comite Gasparo Iliésházi de Iliésháza perpetuo a Trencsin etc., quia intra ambitum comitatuum praememoratorum nullus synodo cogendae potuit securus deligi locus. Ibi tunc electus est in successorem supra memorati d. superintendentis rev.d.DanielDubravius, pastor ecclesiae Senicensis. Et quia in persona sua abfuit a synodo, post mensem unum Trencsinium venire debuit, bicque solennem inaugurationem a me recepit anno 1641. die 7. Julii. Deus ipsi adsit sua gratia et misericordia! Arnen!
