Evangélikus főiskola, Pozsony, 1866
7 Ego magister Gregorius Lány, Turocensis, ante omnia fateor me honesto reverendo et orthodoxo viro, domino Elia Lany, pastore ecclesiae Bicsensis, et superattendente trium comitatuum Trencsinien- sis, Liptoviensis et Arvensis, et matre Susanna Tamarisci, legitime progenitum, ab iisdem primum quidem Mosoviae educatum, deinde Bicsam, Bartfam emissum, unde sub disciplina prius ac regimine Martini Weigmanni triennium vivens, revocatus, Yitebergam expeditus sum per ill. dominum comitem Georgium Thurzó, palatinum regni Hungáriáé. Expleto biennio inde redii, ac volente domino ill. comite Emerico Thurzó, rectoratum Bicsensem arripui, et annum cum semestri rexi. Oblata deinde vocatione legitima a Solnensibus, ad dirigendas scholae habenas et erudiendam juventutem, expletisque ibi tribus quadrantibus anni, evocatus sum ad ministerium et dispensationem mysteriorum divinorum, ab illustrissimo comite Emerico Thurzó, et illustrissima comitissa Elisabetba Czobor, in ecclesiam arcis Arvensis; atque secundum consuetudinem et ritum apostolicum a cl. domino magistro Johanne Hodildo Bicsae ordinatus, id firma fide promittens, me secundum sententiam verbi divini in Aug. confessione et libro Concordiae inclusam, docere, meque ea usque ad terminum vitae meae stare firmiter velle. In quo me confirmet Deus trinunus. Bicsae 16. Junii, anno 1620. Ego Johannes Apostolus sincere bonaque fide fateor, me piis, probis, honestisque parentibus procreatum ac prognatum esse, puta : Thoma Apostolo, matre vero Felicia, in Tepla comitatus Liptoviensis. Illi postea me studiorum gratia emisere in Bohemiam : incubui literis humanioribus Micropragae, Slannae, Hurimae : rediens ex Bohemia studui Bosenbergae rectore d. Matthaeo Zorkoczio, cantore d. Michaéle Crispino existente. Bosenberga evocatus fueram ad cantoratum Nico- polium, in quo per biennium vixi; Nicopolio rursus profectus sum gratia studiorum Bregam, ibi domino rectore usus sum Jacobo Schik- fusio per triennium, inde rediens in patriam evocatus sum ad cantoratum Teuto-Lipcsam, in quo vixi per biennium : in rectoratu per quadriennium : inde ad officium ministerii in ecclesiam Huustensem in comitatum Bdshontensem evocatus sum, vocatoriis oblatis venerando ministerio Trencsiniensi, et examine peracto ordinatus sum Bicsae per clarissimum et admodum reverendum virum d. m. Joannem Hodikium et reliquos decanos. In quo officio et ministerio polliceor fide bona fidelitatem, sinceritatem et id genus alia ad officium sacrum requisita
