Evangélikus főiskola, Pozsony, 1866

12

Hi a primis annis tradiderunt me instituendum : 1. Johanni Lány, olim moderatori scholae Illaviensis industrio, ut et ejusdem scholae rectoribus, Jeremiae Pilarikio, Johanni Skrovino, Johanni Duraeo : ab his remiserunt, causa idiomatis hungarici, 2. ad virum doctum Andreám Pernai, Csepreginum, 3. m. Johannem Heigemajerum, Posoniensis gymnasii rectorem meritissimum4. m. Johannem Birin- gerum, palaestrae Cremnicensis, 5. Jeremiam Pilarikium, lycei Teuto- pronensis, 6. admodum reverendum et clarissimum dominum Michaélem Lazium, directorem gymnasii Leutschoviensis, ubi triennium vixi, et post tanta praeludia certaminum trivialium, ab excellentissimo domino patre praefato in mercatum bonarum artium ad olores Phoebadum in almam Vitebergensem, fontem et matrem restitutae lucis evangelicae emissus; ubi per triennium et quod excurrit, in theosophicis, sub professoribus domino Paulo Röbero, superattendente circuli electoralis gravissimo, domino Johanne Scharffio, praeposito dignissimo, domino Abrahamo Calovio, superattendente generali substituto, domino Johanne Meisnero, decano spectabili; in philosophicis vero sub professoribus variis publice privatimque in arena academica certans, praecipue sub Johanne Sperlingio, physices professore publico, et magistro Nicolao Pompejo, mathematum professore, pro tunc decano spectabili, sub quo gradum magisterii cum laude reportavi. Ex his beatis insulis in patriam dulcem rediens ornatus commendatitiis facultatis theologiae celeberrimae, subito evocatus fui in lyceum Prividiense, ubi fere per biennium musae Nitriades, in horto Pieridum a me celebratae sunt, in publicis aliquot exercitiis, praecipue theologicis contra Bonaventuram. Tandem ex pulvere scholastico, ex pulpito scholastico, ad pulpita ecclesiae Cassensis legitime vocatus, divina gratia, me evexit, et sacro ministerio inauguravit, (quod ego praecipuam partem meae felicitatis repono) per praenominatum — excellentissimum dominum patrem, coram quo, et adiunctis ministris compromisi, me libro Concordiae, (sicut Vitebergae feci) subscripturum, in doctrina a canone verbi divini nunquam deviaturum, sicque in docendo veritatem, in vita exemplari puritatem, Jehova me benigne juvante , declaraturum, et oblaturum deo pietatem, proximo aequitatem, sibi ipsi castitatem. Quod promissum autographo cordis et calami proprio obsigno; anno a partu virginis 1654. die 15. Martii.

Quum per integrum annum vacaret sedes superattendentiae trium comitatuum Nitriensis, Posoniensis, Barsiensis post placidam ac tran-