Evangélikus főiskola, Pozsony, 1866

13

quillam ex has mortalitate et plena lacrimarum atque difficultatum valle emigratione — Danielis Dubravii, pastoris ecclesiae Senicensis, indicta est synodus per me Joachimum Kalinkium, tum temporis unicum in his decem cis Danubium comitatibus superattendentem in castellum Ludan pro 29. Martii, anni 1656. spectabilibus et magnificis dominis Nicolao et Matthia Ostrosits hospitium velut. In meditullio comitatuum praetactorum pio ex zelo in ecclesias evengelicas atque comitatum tutum et securum concedentibus. Nec citius oppido convocari potuit synodus, quod et comitia regni sub initium anni promulgata essent ac celebrata atque a quadragesima, ubi paulo ante praenominati superattendentis incidit beatus obitus et a nobis ad immortalitatem abitus usque ad festa b. Petri et Pauli apostolorum domini protracta, quodque Posonium, Ujvarinurn, Jaurinum, Comaro- num, Galgocium et vicina loca tota aestate et auctumno pestifera lues horrendum in modum gravaret, affligeret multis hominum indigenarum millibus depastis et in sepulcrum deportatis.

Nec commodier alius inveniebatur pro conventu locus. Illum nempe et contubernia quaedam venerabilia indice quodam ostendebant et comitatus certi a suis magnificentiis requirebant. Ubi etsi episcopus Varadiensis Sigismundus Senger, abbas Ludanensis, subditos suos inhibuit hospitia ministris ecclesiarum evangelicarum dare; nihilominus adeo provisum perspicacia et industria praetactorum magn. dominorum erat in ea re nullus deprehenderetur defectus. In qua equidem celeberrima synodo a prima synodo Solnensi, a beatissimis animabus praedecessorum nostrorum ad hanc usque nunquam in patria celebrius, frequentius, frequentiori et nobiliori numero celebrata, praemissis precibus in superattendentem comitatuum Nitriensis, Posoniensis, Bar- siensis electus est potioribus suffragiis rev. d. magister Martinus Tar- nocius, pastor ecclesiae Prividiensis, ibique in castello statim a me ritu ecclesiis Augustanis usitato inauguratus et confirmatus. Deus adsit ipsi sua gratia et efficiat ipsum vas suae misericordiae in seculum Arnen Arnen.

In eadem synodo eodem die et loco die 29. Martii, anno 1656. loco in castello, quo superior superattendens erat electus, Ludanensi dicto, eadem subsequenti hora, una veluti fidelia alter electus est in sedem superintendentiae comitatuum quatuor Turocensis, Soliensis, Hontensis et Neogradiensis, cum post optatissimum obitum sanctae et laudatae recordationis, Martini Spetkii, superattendentis, octo mensibus integris vacasset et conventus synodalis ob causas supra declaratas tuto con-