Evangélikus főiskola, Pozsony, 1866
viro m. Petro Zablero, superintendente comitatus Sarosiensis cum filiis praefati viri emissus ad militiam ulteriorem academicam, postea Yite- bergam, ubi quadriennium in arena academica privatim et publice certans gradum magistri sub decanatu Frankenbergeri professoris chro- nologiae reportavi. Post reditum ex academia Senicium evocatus fui, ubi per annum docui, Senicio deo ita disponente evocatus sum Tren- chinium ad officium rectoratus, ubi biennium laboravi. Tandem e pulvere scholastico remunerator laborum ad ecclesiam Ujhelyiensem dirigendam per legitima media me pertraxit, et inaugurare fecit per excellentissimum virum Joachimum Kalinkium patrem, superintendentem comitatus Trencsiniensis, Liptoviensis et Arvensis, coram quo, ut et adjunctis ministris compromisi me libro Concordiae subscripturum in doctrina a verbi Dei amussi et analogia fidei libro illo comprehensa nunquam discessurum , in docendo veritatem in vita pietatem, declaraturum, Deo me clementer juvante. Quod promissum hac mea manu et corde et animo sincere obsigno. Actum Illaviae die 23. Martii, 1651. Per beatam euthanasiam ex theatro totius vitae istius humanae, corruptioni et inconstantiae obnoxio in sinum et mensam Abrahae, beatae laudataeque memoriae admodum reverendo praeclarissimo viro d. m. Gregorio Lány, quatuor comitatuum, Turocensis, Soliensis, Honten- sis, Neogradiensis superattendente et ecclesiae Brisnobanensis pastore die 19. Aug. 1651. pie et placide inter pia suspiria evocato, coacta est synodus Totpronam sub patrocinio et clipeo spectabilium et magnificorum dominorum Ostrosith, velut certarum parochiarum et ecclesiarum in comitatu Hont et Turócz collatorum : in qua demum post multas considerationes, propositionum ventilationes, expositiones electus et pronuntiatus est in superattendentem comitatuum praefatorum ac per me publico ritu et solenni adhibito in templo Totpronensi in praesentia magnatum et multorum praecipuorum nobilium ordinatus, inauguratus, initiatus rev. vir d. Martinus Spetkius Bajmocensis, ecclesiae Bozokiensis pastor anno 1652. die 10. Januarii. Ego magister Zacharias Kalinkius, recognosco hac mea subscriptione , me natum ex honestis parentibus, admodum reverendo et excellentissimo viro domino Joachimo Kalinkio, pro nunc antistite ecclesiae Illaviensis fidelissimo, comitatus Trencsiniensis, Liptoviensis et Arvensis superattendente meritissimo, vigilantissimo, et Susanna Corvini.
