Ranolder János: Sermones sacri auditoribus suis oblati (Pestini, 1842) - 90.209
30 fundamentum, adeoque summum hominis bonum est Id unum adhuc illis, qui prodigia iMosis magicae artis producta fuisse criminantur, dictum velim: ipsos etiam inclytos, et sagacissimos in arte hac magistros aegyptios rei evidentia perculsos invito licet pectore divinam prorsus et supernaturalem virtutem agnovisse dicentes : ,, digitus Dei est hic /“ Ita est AA! digito Dei, id est auctoritate Omnipotentis omnia illa patrata fuerant, atque adeo etiam doctrina illa et Mosi et Prophetis, et olim iam Patriarchis quoque divinitus intimata fuit; et vel antiquioribus his vaticinio quoque eo addito, eandem doctrinam, quam, mundo toto sub idololatriae squalore gemente, cum effeto Abrahamo mox exstingvendam humanitus existimasses, per posteros Abrahami , qui tamen tunc iam vetulus ac Sara insuper et sterilis filio adhuc caruerunt postmodum extraordinarie concesso, —conservandam et quondam ad omnes mundi nationes propagandam esse, prout vaticinium hoc, viginti duobus seculis ante eventum editum, revera Salvator noster, in quo benedicendae erant omnes gentes terrae, opere complevit. Sed huic
