Alber, Joannis Nepomuk: Epitome institutionum historiae ecclesiasticae (Agriae, 1826)-90

alibi ubique adorarunt illo eliam tempore. Nemo enim ait S. Augustinus, illam Carnem manducat , nisi prius adoraverit. Hac itaque manente aequalitate Basnagius non contudit Natalis et plurium ejusdem farinae iniquitatem. Nec Christum adorare, sed non adorare, iniquum est. Constantinus omnes, quas rapuerunt Ecclesias , Donati- stis ademit, conventicula ipsis interdixit, et factionis primores in exilium egit, sed quibus paulo post reditum concessit, eo quod essent Sacerdotes. Hac vero illi abusi Imperatoris lenitate continuarunt suam sectam propagare; atque ut viderentur eam Ecclesiam habere, quam Christus supra Petrum aedificavit , etiam Romae sibi Episcopum constituerunt, et quidam ex Africa Donatistae Romam habitatum iverunt, pag, 344.

§. 53. Dona t i s t a e non tantum a communione cum Caeciliano Episc. Carth. verum etiam a tota Ecclesia Catholica recesserunt, eo, quod ista Caecilianum in sua communione haberet. Sibi solis veram Christi Ecclesiam dicebant esse. Hinc vero ulterius procedentes, negabant, valide administrari Sacramenta ab ullo, qui extra ipsorum sectam esset. Quamobrem omnes ad suam sectam transeuntes, etiam Catholicos , rebaptizabant: idemque etiam deinde extenderunt ad omnes, qui qualicunque crimine affecti essent, nec per hos Sacramenti alicujus factam admini- strationem valere voluerunt. Denique eo etiam devenerunt, ut Ecclesiam istam quoque, quae adhuc in peregrinationis statu in hoc mundo existit, assererent, omnis maculae expertem. Ii- dem Donatistae dum ipsorum alii contra Primia- num suum Carthagine Episcopum insurrexissent, eo nomine, quod indignos ad communionem rechAb an. I. Aer. Chr. usque ad Sec. IK. 69