Alber, Joannis Nepomuk: Epitome institutionum historiae ecclesiasticae (Agriae, 1826)-90
58 Epitome Part. I. exercuit in Christianos, agnovisset, edictumque fecisset de sistenda persecutione, in quo tamen adhuc amentiam vocabat Religionem Christianorum pag. 242. §. 55. Maximinus in Syria et Aegypto, ce- terisque provinciis, quae sub ejus regimine erant, cum aliquamdiu destitisset a persequendis Christianis , postea in hos persecutionem, priore truculentiorem , suscitavit, causas nequissime conquirendo, cur ita faceret, ne videretur temere adversus edictum agere, in quod consensissent, ceteri etiam Imperatores. Fames, et pestilentia invadit multas Imperii Romani provincias. Soli Christiani opitulantur fame pressis, et mortuos tumulant, atque idcirco ut Dei pii cultores praedicantur ab ipsis gentilibus. Maxentius Maximino in effraenatissima libidine et crudelitate non tantum in Christianos, verum etiam in suos, cum Constantino bellum intulisset praetexens necem, quam Herculeo patri suo intulerat a Constantino victus et fluvio Tyberi haustus periit. In re anci- piti ante pugnam Constantino Crux apparuit soli superposita cum inscriptione: Hac vince. Eusebius testatur, se rem hanc ex ipso Constantino, et sacramenti etiam religione ab eo firmatam habere. Eamdam refert etiam Lactantius, Socrates, Sozomenus. Mosheim tamen, et plures e Protestantibus volunt, istud tantum Constantini somnium fuisse; neque desunt quidam etiam ex Catholicis , qui Compendia, nostra aetate, Historiae composuerunt , et sicut in ceteris ita in hoc quoque vestigia Protestantium prementes, renuunt narrationem istam fide dignam habere. Sta- tim postridie signum hoc Constantinus fabricandum curavit, jussitque in praelio, quod cum Maxentio iniit, exercitui praeferri. Idem superata Ma-
