Alber, Joannis Nepomuk: Epitome institutionum historiae ecclesiasticae (Agriae, 1826)-90

5o

Epitome Part. I.

ter anachoretarum habitus est, quod inter anachoretas socialem quamdam vitam induxerit, cer- tasque leges ipsis praescripserit. Monasticum institutum ex Oriente venit Romam, et in Italiam per S. Athanasium, et Petrum, illius in Episcopatu successorem: vehementerque propagatum est, et quam celerrime praesertim in Palaestina, Syria, Asia minore, et Cappadocia. Multi Episcopi ad ipsum suum Clerum induxerunt hoc monasticae vitae institutum. Alii monachi dicti sunt Coenobitae, alii Anachoretae. Ex monachis jam etiam tunc prodierunt viri et sanctimonia vitae, et doctrina praestantissimi, S. Athanasius, Basilius M. Gregorius Naz. Hieronymus, et permulti alii, tametsi neque defuerint etiam non satis probatae vitae, pag. 198.

§. 27. Sub Gallo Imp. pestis depopulabatur mullas Imperii Romani provincias. Hujus causam, velut ab iratis diis, gentiles in Christianos contulerant. EIoc ansam praebuit, cur Gallus persecutionem suscitaverit, quae erat sedata cum morte Decii. Ex S. Cypriani libro ad Demetria- num Proconsulem Africae misso, cognoscitur, hanc fuisse nimis crudelem. In hac Cornelius Papa cum comprehensus fuisset; concurrerant Christiani omnes, qui Romae erant, seque ultro tormentis , et morti obtulerant. Iste talis concursus fuit, ut Cornelius tantummodo in exilium Centumcellas missus sit. Caesareae in Ponto eadem saeviente peste, cum ad Gregorium cognomento Thaumaturgum illius urbis Episcopum, cujus jam facta mentio est, concurrissent omnes , atque is salutem tribuisset omnibus, qui se Christianos futuros spoponderant, conversa est urbs tota ad fidem Christi usque ad homines

se-