Alber, Joannis Nepomuk: Epitome institutionum historiae ecclesiasticae (Agriae, 1826)-90

Epitome Parté II.

stolum lumen Evangelii esse illatum, docet Clemens Alexánd. Ut autem insectationes ubique fere locorum passa est Religio, Quoniam per multas tribulationes oportet nos intrare in regnum Dei, Act. i4. y. 21. ita factum est etiam in Persia. Omnium gravissima erat persecutio, quam S ap o r Persarum rex excitavit a. 342. Sedecim millia Martyrum , quorum saltem nomina collidi potuerint, memorantur a Sozomeno. Alteram rursus circa a. 420. nimis etiam saevam instituit Isdegerdes, vel Vararanes ejus filius. Abdas Episcopus fervore quidem Religionis, sed cui defuerit moderatrix omnium virtutum prudentia, ansam dederat, templum incendendo igni, quem pro Deo colebant Persae, sacrum. Aeacius Amidanus Episcopus ex ditione Romanorum stitit eamdem persecutionem. Multi Christianorum, ut se eriperent cruciatibus, transfugerant ad ditiones Romani Imperii. Quos cum Rex Persarum repetiisset, denegati vero ei fuissent , Romanis bellum intulit. Millia septem Persarum a Romanis capta, et fame jam fere ad mortem adacta, Aeacius emit, cibo refecit, et viatico instructos domum remisit. Hoc admiratus Persarum Rex, pacem cum Romanis composuit, a persequendis Christianis destitit, ipsum- que Aeacium, magno ejus videndi desiderio ductus, a Theodosio Imp. sibi mitti petiit.

Hunni e sua regione, ultra Maeoticam paludem sita, egressi, vel sponte sua, vel pulsi a Ta rtaris, cum alias regiones, tum etiam Pannoniam a 374. invaserunt, et gentes, quae eas regiones prius incoluerant, suis finibus expulerunt. Quae dum et ipsae novas sibi sedes quaesivissent, motus quidam quasi generalis exstitit nationum

omnil38