Alber, Joannis Nepomuk: Epitome institutionum historiae ecclesiasticae (Agriae, 1826)-90

omnium. Ex liis Gothi , et Vandali erant religione Ariani, ceteri omnes ethnici. Hinc pronum est intelligere, quam haec adversa tempora fuerint ubique locorum Christianis. Sed nulli magis feri, et immaniores Vandalis. Gensericus eorum Rex in Africa, quam occupaverat, eo animo fuit, ut sublatam funditus voluerit habere Catholicam Religionem. Ecclesiae Catholicorum ubique ab Arianis occupatae, Episcopi ejecti, qui ad Arianismum nollent transire , tormentis excruciati , et interfecti. Genserico cum Hunne- r i c us filius successisset, initio se placabiliorem Catholicis ostenderat, et ad petitionem Zenonis Imp. iisdem concessit, ut Carthagine iterum possent habere suum Episcopum. Is deinde Eugeni- us fuit. Sed instigatus ab Arianis Episcopis rediit cito ad saevitiam, quam pater exercuerat. Eos, qui veste Vandalica induti Ecclesiam ingrediebantur, erant videlicet hi Catholici, palis dentatis in caput injectis, earumque ope crinibus comprehensis , et contortis jussit retrahi. Episcopos, Presbyteros, aliosque clericos in desertum locum curavit abducendos, et afflictos vehementer in itinere, quibus nihil praeter hordeum, quo viverent, datum sit, sed et hoc ipsum etiam brevi denegatum. Disputationem deinde Carthagine Hunnericus instituit Arianorum Episcoporum cum Episcopis Catholicis, qua istos, si fracti, et devicti essent, ut futurum credebat, ad Arianismum compelleret. Ante diem, disputatio^- ni praestitutam, Deus miraculo declaravit, qua in parte veritas esset Religionis. Felix quidam caecus, in civitate omnibus notissimus, divinitus monitus ter, ut ad Eugenium Episcopum iret, ejusque preces sibi expeteret, quibus lumen oculorum recepturus sit, cum hoc fecisset, nec destij4 Sec. V. usque ad Sec. VIII. l3g