Alber, Joannis Nepomuk: Epitome institutionum historiae ecclesiasticae (Agriae, 1826)-90

A Sec. V. usque ad Seó. VIII.

129

9. Theodosius anno jam altero post istud Epliesinum verius latrocinium, quam Ecclesiasticum concilium absque haerede decessit. Pulcheria ejus soror Marciano nupsit tantum eum in finem, ut viam ei sterneret ad Imperium, quod etiam summa Senatus, et exercitus consensione adeptus est. Marcianus protinus datis ad Leonem Papam literis petiit, ut legatos mitteret ad res turbidas componendas inter Episcopos. Hi cum Constantinopolim venissent, Anatolius, qui in locum Flaviani positus erat Episcopus, synodum celebravit, in qua epistolae, quae erat ab Leone missa, et allata per legatos, subscripsit, Nestorioque et Eutycheti anathema dixit, nec aliter quam hocce modo ab Leone impetraturus communionis literas, eo quod suspectum habuerit de haeresi Eutychiana: quod idem factum est ab aliis Episcopis, Presbyteris, archimandritis, qui interfuerunt eidem Synodo exceptis paucis. Episcopi, qui acti erant in exilium, sunt revocati, contra vero Eutychetis errore affecti pulsi in exilium. Oecumenicam etiam synodum voluit haberi Marcianus Imp. quam etsi jam non necessariam censuisset Leo Papa, tamen suum ei consensum denegare noluit. Indicta est heec Nycaeam in Bithynia: hinc vero translata Chalcedonem. Dioscorus venerat cum decem Episcopis, et synodo cum his habita, tam temerarius fuit, ut in Leonem Papam anathema conjecerit.

Chalcedone die 8. Octob. a. 451. incepit Concilium, duravitque usque ad diem 1. Nov. Convenerunt Episcopi 65o. Legati a Leone Papa missi erant Paschasinus, et Lucentius Episcopi, Bonifacius, et Basilius Presbyteri. I11 prima sessione cum Dioscorus quoque consedisset cum reispii. 9 li-