Alber, Joannis Nepomuk: Epitome institutionum historiae ecclesiasticae (Agriae, 1826)-90
A Sec. V. usque ad Sec. Vili. 325 Presbyter. Hi petierunt, ut sibi'exhiberetur indicium, latum in Nestorium, Concilium autem ab his, ut illud sua subscriptione confirmarent. Condemnatus est deinde etiam Joannes Antiochenus cum universo suo conciliabulo. Ex istius con- ciliabuli Episcopis fuit etiam Theodoretus Cyri Episcopus in Syria, qui scriptis suis incesserat non tantum anathematismos Cyrilli, verum ipsam etiam Synodum Ephesinam, Utrumque concilium misit sua s tat ut a ad Imperatorem. Tam itinera omnia, quam aditus omnes Constantinopoli ad Aulam obsederunt fautores Nestorii, ne Concilii legitimi ullae possent ad Imperatorem literae pervenire. Tandem cuidam mendico hae inclusae arundini commissae sunt, ad monachos directae, Constantinopoli habitantes: qui velut ad supplicationem prodeuntes cum cantu ad Imperatoris aulam easdem detulerunt. Imperator primum utriusque concilii Acta volebat haberi missa in irritum, et novum institui concilium excluso Nestorio, Cyrillo , et Memnone, qui Ephesinus erat Episcopus: quin Cyril- lum et Memnonem ad custodiam etiam jussit poni. Petiit deinde ut legati ad se mitterentur ex utraque parte. Ex parte una iverunt Arcadius et Philippus legati Romani Pontificis cum sex Episcopis, ex altera Joannes Antiochenus cum septem Episcopis suae factionis. Videbatur Imperator propensior in hanc partem alteram esse. Res se repente convertit. Non tantum enim Imperator in locum Nestorii per Concilium damnati, et depositi e dignitate Episcopali dedit facultatem alterius Episcopi ordinandi, Maximianus is fuit, sed etiam Nestorium in exilium egit, ejusque libros jussit comburi : insuper Nestoriapis prohibuit omnia
