Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e
loo Institut. Hist. Eccl. Pars V. nulla spes affulsisset de Calvinianis per colloquium ad concordiam, et unitatem fidei Catholicae revocandis , Praesules Reginae declararunt, decisionem controversiarum esse exspectandam a concilio generali, quod propediem resumendum sit. Hic exitus fuit colloquii, quod Possiaci coeptum, in oppido autem S. Germani continuatum , et terminatum est. Thuan. lib. 18. Davilla de Bello civ. lib. 2. Attamen Calviniani sparserant, seque vendi- tarant pro victoribus Catholicorum in hoc colloquio , quin suam doctrinam quoque in hoc stetisse, et tulisse adprobatiönem omnibus Catholicorum argumentis eversis , et contritis. Iluic impudentiae , et mendacio addiderunt eam etiam audaciam, prorsus effraenem, ut non tantum majore licentia, quam antea publice conciones haberent, suaque dogmata disseminarent, sed etiam, tametsi nihil incommodi passi essent ab Catholicis, imo etiam ab Rege immunitas ipsis concessa fuisset, eum in finem, ut se modeste, et tranquille gererent, denuo prosilierunt ad eam violentiam, ut invaderent Ecclesias, altaria,. Sacras imagines in his, et statuas everterent, imo ipsum etiam Christum in Eucharistia pedibus conculcarent. Parisiis in suburbio S. Marcelliani, dum in platea concionem habuissent, quod in vicina Ecclesia campanae pulsatae essent, nec a pulsando cessatum ad eorum petitionem; finita concione irruerunt in eamdem Ecclesiam, omnibusque rebus in ea confractis , et dissipatis multos insuper tam viros, quam feminas (vesperae tum celebrabantur ) contrucidaverint: cumque concursus etiam Catholicorum factus esset, arma stringentium adversum istos adgressores , accensum est bellum ne-
