Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

est in Catholica Ecclesia. Specialia Tero sunt, in Eucharistia solam figuram corporis Christi ponere, hominis lapsum non tantum a Deo praescitum, verum etiam decretum , et praedestinatum esse ; soloque Dei arbitrio citra proprium meritum homines ad aeternam mortem praedestinari ; peccata , quae impii perpetrant, Deum non solum permittere, verum etiam jubere, tametsi velit, Deum non ideo fieri etiam horum auctorem ; omne peccatum esse mortiferum, sed fidelium peccata omnia esse venialia, absque peccato originali nasci eos infantes, quorum parentes fideles sunt; hominis liberum arbitrium nihil valere ad agendum bene, atque hunc quamvis sponte, et absque coactione peccet, tamen'necessario peccare. Longum esset nimis, omnia recensere, quae Calvino propria, vel communia cum Luthero fuerunt. Haec ex Calvini libris cum aliis, tum praesertim Institutionum, ipsis etiam illius verbis exhibet Natalis Hist. Led. Sec. XHI. art. 12. §. 2.

Calvinum Ferrariae Dux Ferrariensis passus non est. Quamobrem rediit in Galliam, inde peragratis aliquot civitatibus venit Genevam. Jam Genevenses non multo ante apud se Religionem Catholicam abrogaverant, aenea etiam tabula affixa in curia in monumentum istius abrogationis a se factae, id a. i555. accidit. In hac praedicant, Profligata Romani Antichristi (isto convicioso nomine tlom. Pontificem designarunt) tyrannide, abrogatisque ejus superstitionibus sacrosanctam Christi Religionem apud se in suam puritatem, Ecclesiam in meliorem ordinem singulari Dei beneficio repositam esse. Anno i535. id flictum est. A Genevensibus Calvinus susceptus est cum gaudio, ut hunc concionatoris etiam, et Professoris

Theog 52 Institui. Hist. Eccl. Tars T.