Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

A Sec. Xf^I. usque ad Sec. XIX. 55

de capta Roma, et circumsesso Clemente Papa moerorem praeseferens, protinus finem fecit laetitiae, atras vestes induit, insuper supplicationem instituit, datisque literis ad Philibertum Arausia- cum , et Moncadam, significavit, se moleste, gra- viterque tulisse Romanae urbis direptionem, sed quia facta infecta esse non possint, aequum, atque pium sibi videri, ut Clementem dimittant, et omni cum honore in pristinam dignitatem asserendum curent , dummodo alicunde pecunia paretur ad stipendia militibus solvenda, dumque tempus deposcet, legiones ex Urbe educantur, sedulo tamen curent obsidibus cavendum, ne Pontifex nocere ipsis possit; denique, ne aliquod ipse capiat detrimentum. Satis apparet ex conditionibus appositis, cujusmodi illa tristitia fuerit Ca- roli , quam gerebat de circumsesso, et concluso Pontifice: quibus sic circumscribebatur illius dimissio, ut tamen per has easdem octo fere mensibus in eodem statu manserit, in quo fuit, circumvallatus a Caroli exercitu , non tantum ne fugere posset, sed nequidem ut alimenta inferri possent ad castrum S. Angeli, atque fame adigeretur ad deditionem faciendam. Res non bene audiit, nedum ubique apud eos, qui erant orthodoxi, sed nequidem apud Solimannum Turearum Imperatorem , de quo sic scriptum est apud Fabricium Cornelium in epistola apud Raynaldumad a. 1527. num. 23. Quippe dn insolentiam Christianorum excanduit • qui crudelius in supremum suum Antistitem se gessissent, omniaque Sacra profanas- sent, quam ipse, Mali ornetis cultor, Graecorum. Patriarcham haberet: quandoquidem ejus sacra violare nefas putaret.

Hen-