Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

Henricus VIII. Bex Angliáé se sociavit cum Francisco Galliae .Rege ad liberandum Pontificem, validumque exercitum octoginta millium peditum , et viginti equitum miserunt in Italiam. Ab bis plura loca vi capta, multa etiam spontanea deditione in fidem recepta. Romae vero pestis exorta est ex alimentorum tanta penuria, ut nonnisi stirpibus, et herbis agrestibus ipsi primores, et genere illustriores vitam tuerentur. Haec absumpsit etiam Caesareum exercitum sic, ut nonnisi sex millia Hispanorum , et duo Germanorum Romae remanserint. Hoc adegit Hispanos, et Germanos Roma abire, ea etiam de causa, ut Neapoli , et alibi suis a Gallo , et Anglo vehementer pressis , subsidio venirent. Itaque ad inducias belli cum Pontifice faciendas descenderunt. Quadringenta aureorum millia ipsis Pontifex spopondit: et quia in praesentia hanc exhibere pecuniam non poterat, Placentiam , Parmam, Mutinam, pluraque alia e ditionibus Ecclesiae Romanae arbitrio Caroli Caesaris permisit, Cardinalesque sibi charissimos tres , et decem, quos secum habuit in Castro, et quosdam alios etiam Praesules pro pecunia obsides coactus est dare Germanis. Hi istis, simul atque in manus suas eos acceperant, catenas injecerunt, deinde aurum ab his quaerentes exprimere, ad campum Florae iisdem catenis vinctos, et ad patibula, jam ibi erecta, duxerunt, nec tantum semel, sed etiam iterum, ac tertio, parato illic carnifice, et exspectante nutum ad eos in furcam agendos, ad terrorem ipsis incutiendum. Sed hi ex carcere deinde, per caminum attracti, elapsi sunt. Joannes Ma ria de Monte Cardinalis Praenestinus unus horum fuit deinde factus Pontifex, appellatus Julius

III. Pontifici pactis illis induciis dies nona Decembris

56 Inst it. Hist. Eccl. Pars V.