Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

A Sec. XVI. usque ad Sec. XIX. 55

dum tertio assultum facit, et apposita scala ante alios moenia scandit, glande plumbea trajectus occubuit. Philibertus Princeps Arausiacus locum demortui occupavit, et in Urbem penetravit. Fuit aeque Gallus, verum cum Franciscus Rex ejus ad se traxisset bona, similiter, ut Borbonius, defecerat ad Carolum Imp. In exercitu boc, qui Romam cepit, erant partim Hispani, partim Germani, et in his permulti ex Lutheranis. Horum unus Georgius Fronspergius , patria Svevus Dux Germanorum. Eo proposito in hac expeditione iverat in Italiam, ut fune, quem secum ferebat auro intextum, in sinuque suo gestabat, aliisque identidem ostentabat, Romanum Pontificem ipse suis manibus strangularet. Clemens Papa aegre quidem, attamen hostium evasit manus, fugiendo ad castrum S. Angeli. At vero Fronsbergius, cum laqueo Romam pergens ad strangulandum Pontificem , priusquam Romam pervenisset, equo delapsus , cervicem fregit.

Saepius jam a barbaris fuit Roma capta, et direpta , sed numquam majore crudelitate, et insolentia. Qua de re sic scriptum est a Petro Justiniano lib. 12. pag. 45o. Contigit miserabilis, fioedaque Romanae urbis direptio, qualis olim nec a Gothis, nec a Longobardis , Vandalisve facta legitur. - - - Hispani , Germanique milites in omne crudelitatis genus prolapsi, multas Urbis partes incendunt, sacra, prqfahaque diripiunt, omniaque fuga, tumultu , terrore , ac caede replent .\ nec Cardinales , Episcopi, ceterique viri Religiosi impias depraedantium effugere manus. yEdes quoque s aeree ad unam omnes spoliatae sunt. Nulloque habito sacrorum respectu, quemadmodum eadetn de re scribit Coclaeusad annum 1527.

plu—