Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e
52 Instil, Hist. Eccl. Pars nis Principibus auxilium conferentibus in communi Italiae periculo non neglexisse arma capere. Hanc videlicet totam una cum ipsis ditionibus Romanae Ecclesiae advertebatur velle sibi subjugare, ejusque potentiam devicto Gallo , alii etiam Principes formidabant. Omnium primi Columnenses , quae Romanae potentissima fuit familia, sed ut jam alias etiam , Romano Pontifici infida, et iniqua , ita nunc Ca- rolo Imperatori se adjunxit atque ex his Vespasianus Cardinalitia etiam auctus dignitate, et ejus frater Pompejus cum Hugone Moncada His- spano tribusque millibus peditum, et octingentis equitibus summa celeritate usi noctu de improviso ad Urbem advolarunt, atque summo mane in eam irruerunt. Pontifex cum Cardinalibus ad arcem S. Angeli confugit. Hostes palatium cum omni supellectili tam sacra , quam profana diripuerunt, suburbiique Vaticani prope partem tertiam , nec ab ipsa basilica S. Petri manus abstinuerunt. Cum Moncada certis conditionibus Pontifex trium mensium inducias fecit. Ille praeda onustus militem abduxit. Copiis Caesareis in Italia praeerat Carolus Borbonius, insignis bellidux, cujus ductu»' res prius iverant bene Francisco Galliae Regi , ad Hispanos autem defectionem fecerat, cum Ludovica, Francisci mater, litibus eum objecisset, bonisque suis , connivente Francisco , exuisset. Idem etiam Franciscum ceperat Ticini. Cum vero pecunia eum defecisset ad solvenda stipendia exercitui, Florentiam voluit invadere , et diripiendam militibus dare. Quia vero res ei non successerat, Romam destinavit, quam exercitui in praedam daret. Moenibus admoto exercitu bis non absque suorum caede repulsus t
