Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

actus : Galli quoque in comitiis, quae hac de causa instituta a E ege sunt, declararunt juxta legem regno suo coaevam, non fuisse in Regis potestate quidpiam cedere e regno. Burgundi aeque, quorum regio, vi illarum conditionum, transire debuisset ad Hispanos, negarunt passuros divelli se a Gallia. Foedus deinde iniit Franciscus cum Rege Angliáé: cum Yenetis, et Francisco Sforcia, Mediolanensium Duce , contra Carolina Imp. ad quod Clementem VII. quoque Papam pertraxit. Anno 1026. die 17. Maji foedus hoc confectum. Clemens Carolo, in suis ad eum literis declaravit, quibus de causis ad hoc se foedus immiserit (lite— ras exhibet Raynaldus ad a. 1026. num. 11.) se ab eo in vicem suae erga eum perpetuae voluntatis et amoris semper passum esse repulsam ab ejus benevolentia, et conjunctione , quapropter ad ea consilia se necessario compulsum esse, a quibus semper abhorruerit, licet serius, quam et rerum dignitas, et sui honoris, publicique commodi ratio postulaverit. Jam enim suam patientiam ad negligentiam rerum publicarum conversam esse , nisi tandem arma cepisset, quae et justitiae, et Italiae libertati, et sibi ipsi praesidio essent. Speciatimque affert, se cum illius ducibus foedus inivisse, et ad alendum ipsius exercitum plus quam mediocrem auri summam dedisse ea conditione , ut a suis finibus exercitus abduceretur , sique foederi huic ipse Carolus non consensisset, pecunia restitueretur: quod vero quamvis ratum non habuerit, tamen aurum non esse restitutum, et exercitum contra fidem datam in Romanae Ecclesiae locis diutius versatum, nullum crudelitatis, nullum avaritiae, aut immanitatis genus praetermisisse. Esse ejus occulta consilia ad se perlata. Itaque cunctis prope Christia- 4 * nis

A Sec. XVI usque ad Sec. XIX. 5i