Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

Notitia Pat nini.

inspectaque monachorum, deserta incolentium, disciplina , et moribus, ad quod vitae genus ani- ino rapiebatur, in eam eremi pariem se contulit, quae juxta Syriam Saracenis jungebatur, „magno gaudio susceptus a Theodosio ejus monasterii Abbate. Hic quamvis tempus omne partim Deum precando, partim legendo, et codices describendo impendisset, tamen non vacabat carnis molestiis , et tentationibus. Sic enim de se ipse scribit: Pallebant ora jejuniis, et mens aestuabat in frigido corpore , et ante hominem sicca jam carite praemortuum sola libidinum incendia bulliebant. Putabam me Romanis interessé deliciis. - - - Itaque omni auxilio destitutus ad Jesu jacebam pedes, rigabam lacrymis, crine tergebam, et repugnantem carnem hebdomadarum inedia subjugabam. Memini me clamantem diem crebro junxisse cum nocte. Epist. 22. ad Eustoch. Hanc ob causam Epist. 115. ad Rusticum, testatur, semet posuisse ad lingvam Hebraeam , quam difficillimam vocat, discendam, gavisus postea, quod de amaro semine literarum dulces fructus carpserit , videlicet in eo labore, quem postea impendit vertendae ex Hebraeo in Latinum, interpre- tandaeque Scripturae sacrae.

A Paulino Episcopo Antiocheno Presbyter ordinatur, cum eodem Paulino, et Epiphanio Komám ad Concilium, de quo jam in Epiphanio dictum est, ivit; ubi triennium mansit, et Da- maso Papae operam navavit in scribendis Ecclesiasticis epistolis. Quo mortuo insectationes perpessus a quibusdam e Clero Romano, quibus molestum accidit, quod ob pietatem, et eruditionem suspiceretur Romae, rursus navigavit in Orientem, et Jerosolymam venit. Unde inAegy/ ptum

474