Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
T S. Hieronymus. 4y3 scere licet. Horum omnium veluti fastigium, sibi Sacerdotium vendicat, quod ex virginum ordine praecipue constat, aut si minus ex virginibus , certe ex monachis, aut ex iis, qui a suis se uxoribus continent, aut secundum unas nuptias in viduitate versantur : secundis vero nuptiis implicitus in Ecclesia ad Sacerdotium non admittitur, tametsi ab uxore aut se se contineat , aut sit viduus. Ejusmodi, inquam, ab Episcopi, Presbyteri, Diaconi, et Subdiacmi gradu rejicitur. In Anchorato num. 21. S. Hieronymus. Hieronymus Stridone, quod in Dalmatiae, et Pannoniae confinio situm erat oppidum, a Gothis postea eversum, natus est a. 629. parentibus Christianis, ut ipse Apolog. 2. contr. Rufin. testatur. Ab Eusebio patre, homine locuplete, E o- mam studiorum causa missus , Donatum in Grammatica , Victorinum in Ehetorica praeceptores habuit. Flagrabat ingenti scientiarum, et librorum comparandorum desiderio, quos alios pecunia sibi comparaverat, alios manu sua descripserat. Viros quoque adiit, et coluit eruditionis fama illustres. Hoc cum primum in Italia fecisset, et praesertim Aquilejae, ubi eo tempore Valerianus illius urbis Episcopus, Chromatius Presbyter doctrinae laude florebant, atque etiam in Eufini familiaritatem venisset, sed quae deinde discissa est, iter arripuit in Gallias, omnesque fere illius oras perlustravit, ut viros doctos inviseret, noli- tiamque librorum perlustratis bibliothecis acquireret. In Orientem postea transfretavit, et Antiochiam venit: atque Syria quoque peragrata,
