Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
470 Notitia Patrum. inter Opera S. Hieronymi: quarum altera inscripta est eidem Hieronymo, altera Joanni Episcopo Jerosolvmitano. In hac , ut cetera praetermittam, scribit si tamen ipse Epiphanius est, qui lioc scribit, se in Palaestina observasse in foribus cuiusdam Ecclesiae velum appensum, habens imaginem quasi Christi, vel Sancti cujusdam, istud- que scidisse, eo, quod hoc contra Scripturarum auctoritatem esset, nec probabat, imagines servari in Ecclesiis. S. Epiphanius profecto non ignoravit etiam jubente Deo supra arcam fuisse constitutos duos Cherubinos, formatos ex auro. Aliud igitur quidpiam cavebat in hac imaginum amotione quod esset contra Scripturarum auctoritatem. Idem Haeres. 79. eos ait esse haereticos, qui imaginem Beatissimae Virginis circumferrent, et colerent. Locutus vero est de Collyridianis, qui Deiparam, tanquam deam colebant. Itaque quidpiam esse debebat aliud Epiphauio, cur in Ecclesia nollet servari, et exponi imagines, istud- que haberet contrarium Scripturarum auctoritati , vel quod in earum cultu observasset quidpiam vitiosum, vel metuerit ne res eo vergeret, dum seculo Ecclesiae quarto multi superessent ad- liuc ethnici, qui ad Religionem Christianam accedentes possent credere a nobis simulacra pró Deo coli, et ne etiam Judaei istud de Christianis opinantes a Religione absterrerentur. Nam si in retinendis imaginibus, et in earum tali cultu, qualis exhibetur ipsis in Ecclesia Catholica, et quem Concilium Nicaenum IT. definivit, esse licitum et pium, labem aliquam, Scripturae contrariam, Epiphanius existimasset esse, dixisset simpliciter, imagines non esse relinendas. Nam dum hoc cum exceptione dixit, quoad Ecclesias, intelligitur, nihil habuisse contra imaginum rétén-
