Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

A Sec. XIII. usque ad Sec. XVI 455

aliarum provinciarum subsidium, proque earum defensione elargitus sit. Sixtus IV. I. brev. et bull, p. i5. ep. 11. Haec eadem prima curarum omnium erat Sixto. Missis legationibus Principes conatus est adducere ad consociandas vires adversus Tureas : etiam de Concilio cogendo generali cogitaverat hunc eumdem in finem. Res satis remisse, atque lente procedebat, Anno i48o.Tureae adgres- si sunt Rhodum. Pontifex Rhodiensibus subsidia misit, neque absquff his Equites Rhodii sustinere obsidionem potuissent« Eodem anno Venetis victis , et ad illud foedus, de quo supra dictum est, compulsis, jam Tureae in Apuliam etiam irruperant, et Hydruntem ceperant, totamque Italiam terrore compleverant. Hoc tam vicinum periculum coegit Europae omnes Principes expergi- sci e somno , et torpore. Agente Pontifice institutus est conventus Romae , in quo Pontifex, et Principes unanimi consensione, bello decreto, conscripserunt, quis quantum vel militum,, vel pecuniae collaturus esset ad hocce bellum spatio triennii. Exsurrexit ingens classis, et vis pecuniarum. Pontifex ad triremes viginti quinque instruendas se obligavit, et quinquaginta millia aureorum Regi Hungáriáé conferenda ; quadraginta vero triremes Ferdinandus Rex Siciliae, et centum aureorum millia in subsidium Hungáriáé; perinde alii secundum vires suas spoponderunt et militem, et naves, et pecunias. Dum autem bellum hocce modo apparatur, Mahomet II. Turearum Imperator, apparans et ipse bellum, id- que adversus Italiam, et omnia regna in Occidente, prope Constantinopolim in castris a. l48l. die tertia Maji repentina morte sublatus est. Sixtus Pontifex, qui jam de fuga in Galliam cogitaverat , et quam fugam, relictis omnibus suis

re-