Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

45o Institut. Hist. Eccl. Pars IE.

set, tamen stomacho jam nimiopere contracto, atque cibum non recipiente, mortuus est. Ludo- vicus XI. ei in regno successit. .Adhuc patre vivente ab illa sanctione aliena erat voluntate: eo facilius erat Pio II, permovere ipsum ad eamdem sanctionem revocandam. Pius II. idcirco Ludovi- cum remuneraturus titulum Regis Christianissim* eidem tribuit. Renitebatur vero Gallicanus Clerus. Quare Leo X. inConcilio generali Lateranensi V. a. i5i6. eo fortius adversus eamdem sanctionem institit per bullam suam, nec non et Bi- turicensem illum conventum cassavit, abrogavit, velut corruptelam, atque irritavit, annullavit, et damnavit : quae sunt verba ipsius bullas. Franci- scus I. Rex Galliae Concordatum, ut vocant , cOm eodem Leone Papa fecit. Ita res, quae offensionem habuit, sublata est. Irrepserat, ait Gobeli- nus /. 5. Commentarii Rerum Memorabilium, jam pridem in Ecclesia Dei exitialis consvetudo adversus Romani Pontificis censuras. Victi enim, damnatique Apostolica sententia ad futurum concilium appellabant: judicem, qui non erat, et superiorem Romano Praesuli dabant, qui non invenitur in terris, et cum ipsi a suis sententiis appellari non sinerent, a Christi Vicario appellandum esse consentiebant. Pius II. in ea re Patres, qui aderant in Conventu Mantuano consuluit, quid censerent. Illi concordi voto responderunt, appellationes hujusmocji cum suis auctoribus damnandas esse, atque ita decretum editum est. Idem annis tribus post fecit Pius II. denuo per suam bullam, cujus jam paulo ante facta mentio est

Nihil tamen post hunc conventum adversus Mahometem II. et Tureas actum est, quod operae pretium es&et. Fridericus III. Imperator prom-