Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

448 Institut. Hist. Eccl. Pars IH.

atque adeo, possessore illius mortuo absque haerede , eadem Sedes Apostolica jus illius conferendi liaberet liberum.

Dum autem liocce modo legati Regis Franciáé adversus Pontificem questi essent, etiam hic memoravit, et objecit injuriam, Sedi suae Apo- stolicee a Carolo Rege Franciae factam, per ejus sanctionem pragmaticam. Dum adhuc Basileenses suum conventum continuassent, ex iis, quae hi statuta fecerant, Episcopi Galliae apud Bituricas a. i438. habito concilio, novum quoddam jus conscripserunt, quod sibi ab iisdem Episcopis Galliae oblatum Carolus YIL Rex non tantum probavit, verum etiam per sanctionem pragmaticam toti Galliae servandum dedit. Integram hanc sanctionem exhibet Car. Ludovic. Richardus Ana- Ij'seos Concilior. Tom. II. pag. 735. Quaedam ex his excerpam, ut videri possit, haec sanctio qualis sit: Papa quovis decennio Synodum generalem loco sibi placito congregabit, quem locum sine necessitate non mutabit, alias eum Patres designabunt ; Basileensis concilii auctoritas perpetua esto, quam neque Papa tollere potest; electione male facta, (intelligitur electio ad Episcopatus, et Abbatias) et ad Papam delata, alia indicatur, et electus a suo immediato superiore confirmetur ; Synodo universali in rebus fidei , et schismatis Papa obediat; Synodus a Spiritu sancto congregata auctoritatem a Christo mox habere credatur. (Hoc eo dirigebatur, ut Conciliorum generalium statuta, et decisiones etiam in rebus fidei, nedum in aliis valida essent, et vim obtinerent, etiamsi Papa ab his dissensisset, nec illa confirmare voluisset. Est autem omnino Synodus oecumenica a Spiritu sancto congregata. Se4 oecumenica Syno-