Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

4o

Institut. Hist. Eccl. Pars IV.

$• 6Continuatio de iisdem Ordinibus Religiosis*.

Post Fratrum Minorum ordinem non multo post eodem seculo XIII. Eremitae S. Augustini existere coeperunt. Neque enim hi originem suam ducunt a S. Augustino Episcopo Hipponensi, etsi hoc creditum a quibusdam sit, inde inprimis, quod inter Opera ejusdem S. Augustini sint Sermones ad Fratres in Eremo , ejus nomen praese- ferentes. Neque enim Criticorum judicio hi ipsius sunt germani Sermones: ut hoc videre est apud Natalem Alexändrum Hist. Reel. Sec. V. cap. 4. art. 5. Equidem S. Augustinus, quemadmodum est scriptum a Possidio in ejus Yita, factus Presbyter monasterium Hippone exstruxerat, ibique in contubernio aliorum vixit monasticam vitam colentium; quin et Episcopus factus monachos se- cum habuit, cum quibus vixit: quod tamen Institutum conservatum , et continuatum usque ad hoc tempus seculi XI1T. non est, cujus nec vestigium uspiam apparet post S. Augustinum. Eatenus autem possunt hi Eremitae seculo i5. exorti, dici Eremitae S. Augustini, quatenus ejus Regulam ad Servos Dei, praecepta vitae Religiosae continentem , sibi sequendam et observandam assumpserint. Quinque autem fere circa idem tempus Congregationes Eremitarum S. Augustini seorsim prodierunt , quas deinde Alexander IV. a. 1254. in unum corpus redegit subque uno Priore generali Lanfra neo posuit, qui in Congregatione, quam B. Joannes Bonus instituerat sub nomine Eremitarum S. Augustini eidem Joanni Bono successerat. Mantuae natus est, et postquam adolevisset, civitates, et oppida peragrans cantu, et musica