Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
5o Instil. Hist. Heel. Pars IV. Circa idem hoc tempus , aut aliquantulo etiam ante Ordo SS. Trinitatis exsurrexit. S. Joannes de Matha, et S. Felix Valesius in Gallia hunc condiderunt ad redimendos e Saracenorum captivitate Christianos, unde postea in alias etiam regiones propagatus, et ab Innocentio Papa a. 1198. confirmatus est. Hi alibi Trinitarii appellati, in Gallia vocati sunt Maturing, quod quam Parisiis habuerunt Ecclesiam, in memoriam S. Maturini Deo fuerit sacrata. In eumdem hunc finem redemptionis Captivorum in Hispania institutus etiam est postea a. 12 23. a S. Petro Nola- sco Ordo S. Mariae de Mercede Redemptionis Captivorum , inprimis ad eos redimendos, qui in Hispania a Mauris capti erant, cujus magnam partem sibi subjugatam habebant. Gregorius IX. Papa hunc confirmavit. Silvest. Maurolic. Jacob, de Vitriac. Hist. Occident, cap. 20. Ad an. ii85. pertinet initium Ordinis Car- melitarum , auctore Bertoldo Sacerdote e Calabria oriundo, qui in monte Carmelo in Palaestina re- perto antiquo, sed destructo monasterio , et refecto , adjectaque parvula Ecclesia, cum sociis decem hoc incolere coepit Aymerico sibi favente, qui ab Alexandro III. Papa legatus in Orientem missus , factus est Patriarcha Antiochenus. Haec constant ex Joanne Phoca, qui Patriarchae Aymerico fuit coaevus , cujusque libellum Leo Alla- tius latiné vertit, et quod Amstelodami a. i654. typis editum est. B. Albertus primum Vercellensis Episcopus , deinde Jerosolymitanus Patriarcha, pro Carmelitis regulam composuit, quam Honorius III. a. 1226. confirmavit. Ex Oriente autem in Occidentem venerunt re Christiana afflicta, et ad miserrimum statum relapsa per Saracenos in Őrien-
