Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
A Sec. XIII. usque ad Sec. XVI. *70 mendatione ab Romana Curia obtinuissent Beneficia. Jamque circa medium mensis Maji Cardinales praetexentes calores, qui ingruerent aestivi, petierunt a Pontifice facultatem eundi Anagniam civitatem Campaniae. Inter hos erat Petrus de Luna Aragonensis, ceteri Galli, universim tres, et decem , ceteris cum Urbano manentibus. Hi Cardinales, qui Anagniam se contulerunt, inflammati odio erga Urbanum, utque se liberarent ab eo, cujus severitatem ferre nollent, pessimo, et perversissimo consilio, aliam electionem Summi Pontificis instituerunt, praetexentes priorem non fuisse validam, ex metu sibi incusso ab Romano populo, et quo nonnisi adacti, adeoque nec libere Urbanum elegerint; elege- runtque Robertum Gebennensem. Cum et ipsi vidissent, quantum hinc mali secuturum esset, lentabant ante Urbanum inducere ad deponendum Pontificatum sua sponte, qui vero respondit : In veritate Dei de dimittendo Papatu modicum curarem: sed non dimittam , ne dem locum diabolo, et cornu peccatoribus : quemadmodum est in Epistola Alphonsi Ordin. Praedicator, apud Raynald. ad a. 1378. num. 29. Electione autem facta iidem Cardinales denunciarunt non tantum Urbano , ut deponeret Pontificatum, quasi quem nec verum , nec legitimum teneret; verum etiam literas in omnes partes ad Reges, Principes, et Episcopos miserunt, quibus significarent , quid, et qua de causa fecerint, Rober- tumque, qui sibi nomen Pontificale Clementis VIT. assumpserat, proposuerunt, qui repudiato Urbano habendus sit legitime electus Pontifex. Expositum est supra, et demons ratum, quemadmodum facta sit Urbani electio. Ix quo etiam
