Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c
46 Institut. Hist. Eccl. Pars III. tum fallaciis aliquid consuunt. Nec satis eratPho- tio sua versioné corrupisse epistolas Romani Pontificis, verum finxit etiam aliam ex integro, quae addita exstat iisdem Actis hujus Synodi. In hac Joannem Papam ponit scripsisse, se una cum Juda illos collocare, qui Symbolo fidei verba: Filioque addiderunt, istosque quasi transgressores divini verbi condemnare, et pro schismatis auctoribus habere. Cum ista partim versioné non sincera, partim suppositione integrae etiam epistolae ad illa tetenderit, quae deinde fecit in synodo ; intellige- re licet jam hinc, qualia fuerint , quae sint acta. Septem actiones, id est sessiones ponuntur istius concilii. Summa eorum, quae acta sint in his, est haec. Recensentur nomina illa trecentorum octoginta trium Episcoporum. Legati Romani Pontificis Photio publice offerunt munera a Summo Pontifice missa , vestes sacerdotales, et ornamenta Episcopalia. Joannes quidam Heracleae Thraciae Episcopus sic Joannem Papam laudat ut e contrario Nicolaum I. et Hadrianum traducat, ve- lut turbatores Constantinopolitanae Ecclesiae. Deinde Photius fatur, se ipsum laudans ab innocentia , et quomodo quasi contra voluntatem suam, et reluctans subjecerit se oneri Episcopali. Leguntur epistolae Joannis Papae ad Imperatorem, et Photium, item Michaelis Patriarchae Alexandrini ad Imperatorem, qua petit abrogationem Synodi an erioris Constantinopolitanae, in qua depositus fuit Photius: si tamen quis vult credere, fuisse hanc etiam aliam, quam supposititiam: item- que epistolae Theodosii Patriarchae Antiocheni, et Theodosii Patriarchae Jerosolymitani ejusdem argumenti, cujus fuit Michaelis , neque alterius fi
