Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c
44 Institut. Hist. Eccl. Pars HI. cium sibi interdictam usurpasset. Erat, ut jam memoratum supra est, a Pontifice apposita conditio, sub qua consensum suum adjiceret ejus promotioni ad Episcopatum, si videlicet coram Synodo satisfecisset, poenitentis videlicet animi argumenta praebendo veniam si precatus esset: quae vero omnia in sua versioné aeque sustulit, suasque magis laudes, quasi ab ipso etiam Pontifice sibi datas substituit. Fuerat et illa conditio apposita consensui, quem Papa dederat ad Photii evectionem ad Episcopatum, si abstinuisset ab exercitio jurisdictionis Ecclesiasticae in Bulgáriám, et insuper praecipiendo istis verbis: Fieri jubemus. In horum autem verborum, Fieri jubemus, Pholius posuit, Oramus. Ne omnia persequar, ad ipsum Commonitorium legatis a Pontifice datum in versioné sua subleste, et mendaciter posuit, Joannem Papam illud concilium utrumque, quorum alterum Romae , alterum Constantinopoli (illud Consta ntinopolitanum sub Hadriano II. intelligitur inter oecumenica octavum) pro irritis, atque nullis declarasse cum ipsius etiam Nicolai I. et Hadriani II. Romanorum Pontificum , atque eorum, quae pro Ignatio contra Photium egerunt, reprehensione. His ita praeparatis, et literis Romani Pontificis transformatis per versionem in eum sensum, quem voluit Photius , instituitur Constantinopoli Concilium Episcoporum tercentorum octoginta trium, ut hunc numerum habent Acta hujus Concilii Graeca, sed jam versa etiam in Latinum. Dum omnia acta sunt in hoc concilio juxta Photii voluntatem, iste vero in hoc ipsas etiam epistolas Romani Pontificis corruperit ad eludendam ejusdem Romani Pontificis auctoritatem, et ad
