Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c

his praescriptum fuit, quae agere, et quomodo deberent.

Postquam Petrus Constantinopolim pervenit, legati iiteras Romani Pontificis Imperatori, et Pho- tio tradiderunt. Photius vero non tantum Iiteras ad se, verum etiam eas, quae ad Imperatorem erant datae, nec non Commonitorium legatis datum in Graecam lingvam transtulit, ab iisdem legatis subdole obtentum. Nam in his omnibus in versioné Graeca alia mutavit, alia omisit, alia addidit, prout ei libuit: et quas artes vaferrimas semper alias, nunc quoque exercuit. In Bibliotheca Vaticana, et Columnensi exstant Acta hujus synodi Photianae, de qua succedet sermo, inter quae et istae sunt modo memoratae epistolae. Eaedem exstant hae etiam in Collectione Epistolarum Romanorum Pontificum sub numero 19g. et 2o3. Epistolarum Joannis Papae. Ex collatione Epistolarum Joannis, quemadmodum sunt in Collectione cum Epistolis ejusdem prout sunt in Actis Concilii Photiani patescunt eae, quae dictae sunt, Pho- tii usitatissimae artes. Erat in Epistola ad Imperatorem, et filios jam etiam Caesaris dignitate auctos , ipsos disciplinis Ecclesiasticis edoctos Romanae Sedi reverentiam more praedecessorum suorum piissimorum Imperatorum conservare, et cuncta ejus subjicere auctoritati. Ad cujus auctorem, hoc est, Apostolorum omnium Principem, Domino loquente, praeceptum sit: Pasce oves meas. Hoc Photius suppressit in sua versioné. Papa in eadem epistola scripserat, se cognovisse Ignatium piae memoriae Patriarcham de praesenti vita jam migrasse, temporis autem ratione perspecta se decernere ad veniam pertinere, quod Photius absque consultu Sedis Apostolicae , officium

A Sec. IX. Tis que ad Sec. XII. 43