Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c

4o Institut. Hist. Eccl. Pars HI.

Í- 7Photius reconciliat sibi Basilium Imp. Petitur mortuo Ig nat io ejus ad Episcopatum evectio. Consensum dat Joannes Rom Pont. Concilium Constantinopoli hac de causa habitum. Photius de nuo ejicitur ex Episcopatu.

Photius reductus ad exilium nondum tamen quievit, sed iisdem artibus, quibus usus erat semper , contendebat recuperare Patriarchalem dignitatem. Itaque gregales suos per literas suas animabat, excitabat, eorumque studia, et voluntates , ne ab eo desciscerent, confirmabat. Imprimis vero Basilium Imperatorem conatus est sibi reconciliare. Cum per octo annos omnia frustra tentasset, tamen postea ad Imperatoris animum et benevolentiam viam sibi aperuit tali artificio. Composuit librum, in quo Basilii Imperatoris genus deduxit a Tiridate Armeniae Rege longo clarissimo usque ad ejus patrem in membrana, quae antiquitatem praeseferret, characteribusque Alexandrinis adhibita verborum obscuritate de industria, imq etiam, ut res speciem cujusdam divini oraculi praeberet: qualis fuit in nomine Beclas, quo a se ficto Basilii patrem designavit: quod ex primis literis constat ipsius Basilii , deinde Eudociae uxoris, quatuor filiorum Basilii: Constantini, Leonis, Alexandri, Stephani. In eodem libro Beclae filio nempe Basilio Imperatori praedicebat Imperium summe diuturnum, et longe felicissimum. Hunc librum deinde miserat Theophani, qui bibliothecae praeerat in palatio, suo fautori, et instruxit, quid agendum haberet. Hic igitur librum exhibuit Imperatori , quasi casu in bibliotheca a se repertum, valde mirabi-?