Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c

Spatharium, et Joannem Metropolitani Caesarean Cappadociae, qui significarent Romano Pontifici rem actam in Photium, et pro Ignatio. Nicolaus

I. Papa die i3. Novemb. a. 867. jam e vita decesserat , et Hadrianus II. ad Cathedram S. Petri erat evectus. Cui cum literas legati Imperatoris, et Ignatii obtulissent coram Episcopis, et Proceribus residenti in Secretario S. Mariae Majoris juxta morem sanctae Sedis Apostolicae, nec non dona ab Imperatore missa, sanctae Romanae Ecclesiae, ut est apud Continuatorem Anastasii, cujus conami^ ne Constantinopolitana Ecclesia de schismate purgata surrexerit , multiplices gratias retulerunt, deinde librum, fictum illud concilium Photii con-*- tinentem, protulerunt, aliaque scripta: quae cum lecta fuissent, digna anathemate, atque igne judicata sunt; tumque Joannes legatorum unus librum Photii in terram projecit dicens: Tu maledictus Constantinopoli, sis Romce iterum maledictus. Te minister diaboli Photius , novus Si- mon , mendacii compilator aptavit, Te minister Christi Nicolaus, novús Petrus, veritatis amator attrivit, Spathario, qui alter legatus Imperatoris fuit, librum eumdem etiam calce, atque ense suo cum indignatione feriente. Romae Concilium Episcoporum deinde habuit Hadrianus. In hoc Photium cum suo conciliabulo, sunt verba ejusdem Continuatoris Anastasii, complicibusque suis tertio anathemate percutit. Ad extremum vero ceterorum subscriptionibus sententiis roboratis , pro foribus graduum nefandi dogmatis librum , cunctorum pedibus conculcatum, exussit. Quem rogus, ut fomentum quoddam ignis, cepit, et paene antequam semiustum credi potuisset, cum magno fcetore, piceoque odore consumpsit: et cum forte focus inundatione pluviae naturaliter Tomulus III. S deA Sec. IX. usque ad Sec. XII. 55