Alber, Joannis Nepomuk: Institutiones historiae ecclesiasticae Tom.3. (Agriae, 1825) - 89c
20 Institut. Hist. Dccl. Pars III. politanum Episcopatum. Tentatus aliquoties Ignatius ad hoc induci non potuit. Imperator igitur instigatus a Barda per seipsum et abrogat dignitatem Episcopalem Ignatio, et Photium designat, qui in ejus locum Patriarcha fiat. Fuit hic a secretis Imperatori, literisque excultissimus, sed iis moribus, qui se deinde ostendent, et nonnisi laicus. A Gregorio Syracusano intra sex dies, quarum prima factus monachus , et sexta die Natali Domini a. 859. Episcopus ordinatus est. Paucis exceptis reliqui cesserunt Episcopi petita tamen aPhotio, et data per chirographum sponsione, se Ignatio paternum honorem exhibiturum, omniaque ex ejus voluntate gesturum, nec quidquam molestia? illaturum. Nondum vero menses duo intercesserant, et jam Photius jurisjurandi, quod dederat, spreta religione primum in amicos, et familiares Igna- tii saevire coepit, carceribus, et flagris eos dire excrucians eum in finem, ut Ignatium cogerent ad testimonium scripto tenus dandum de sua Episcopatus voluntaria cessione: cum autem ista diritate nihil profecisset, ad blandimenta se convertit , iisdemque dona, et honores erat pollicitus, si perfecissent, quod per eos obtinere studebat. Photio hortante mittit deinde Imperator, qui torquerent Ignatii servos, et per gravissima tormenta impellerent ad confessionem faciendam, Ignatium esse insidiatum Imperio. Videbat Photius, non futurum firmum suum Episcopatum, nisi aliquod fulcimen qualecumque sibi compa- rasset. Etsi vero nec per tormenta quidem instituta quaestione quidpiam adversus Ignatium falsae confessionis exprimi potuisset; tamen is pedibus distentis duobus vectibus ferreis more latronum, liga-_
