Alber, Joannis Nepomuk: Institutiones historiae ecclesiasticae Tom.2. (Agriae, 1825) - 89b
33 Institut. Hist. Eccl. Pars II. praecipue causa collata sunt ad docendos eos, qui aliter, quam oportet, sentiunt, ab omnibus observanda proferre, et manibus nostris subscribere deberemus. Octo haec capitula, sive canones sunt, quibus errores configuntur tam Pelagianorum, quam Semipelagianorum. Interfuerunt huic synodo Episcopi tredecim ; quod apparet ex subscriptione , sed et alii viri illustres cum Felice Liberio subscripserunt. His autem octo canonibus iidem Patres hujus synodi decem, et septem capitula adjecerunt, ad eos canones, qui erant ab Apostoli- ea Sede missi testimoniis Scripturae, et Sanctorum Patrum magis declarandos. Cumque a quibusdam adhuc his decretis obmurmuratum fuisset, aliam eodem anno vel subsequente idem Caesarius instituit Synodum Valentiae, in Gallia Narbonensi ut eadem decreta, facta in Arausicana synodo, iterum ex traditione Apostolica demonstrata adhuc uberius , pluriumque Episcoporum suffragiis accedentibus eo magis percellerent eos, qui his se morigeros nondum praebuissent. Caesarius cum ob valetudinem venire ad synodum non potuisset, suas praesidendi vices commisit Cypriano Tolonen- si Episcopo. Haec decreta facta in Arausicana synodo, quae secundae nomen habet, et confirmata in Valentina, missa sunt ad Apostolicam Sedem ut ab hac quoque confirmarentur. Bonifacius II. Rom. Pont, qui Felici IV. successerat, hoc praestitit, Labbe cone. Tom. IV. 1687. Hinc eam vim, et auctoritatem assecuta sunt, ut pro indubitatis fidei regulis habita semper et agnita ab Ecclesia sint. Í. 6.
